士佳說 - 張士佳 2020年6月16日
【#士佳說 】張士佳：期指紀實 個股跟進
【#士佳說 】張士佳：期指紀實 個股跟進
昨日的市況很岩我們這一派炒。是我近月近期賺得特別好的一天，現紀錄在此，以供期指玩家參考，如果對用期指賺錢冇興趣嘅朋友，可直接跳到下面個股的段落，不過可以講，睇下無妨嘅。
昨天先低開三百23900開出，比我猜的多跌一百點，反常已令我有所警惕，但我昨日已明言對後市不太擔心，但不期望大市會像上周五般迅速回升，我有探底的心理準備，雖然上周五已走唔少即市股票，但由於手上還有持貨，遂在開市時23920沽期指對沖。
其後期指挾上，我持貨有賺，兩者相抵仍有賺頭，無點理，去準備同學生上堂的材料，到10點15分左右，大市上到241xx，我見ATM三股都無突破，尤其是原本最強的3690美團，變成三者中的最弱，其他股都無力向上的多，我現貨所賺已被開市沽出的期貨所侵噬，故此我開始我的做淡行動，我先沽美期在2991.25（未計夜期，全日高位在2992.25，有點運氣），10點24分，見美團3690破不了頂，還開始下走，更向學生認叻，好在前日169.9走美團牛，亦在24119期指加沽，由於我較看淡美期，故美期就沽了無點理，只在2771.25跌了20點後加沽（很多人賺20點標普選擇平倉，但那中午一點，
港期才開始發力下踩，港股基金才剛對沖，我選擇加沽），我較看好港股，所以沽港期也只是斷斷續續，沽了，再平倉，沽了，再平倉這樣，一直到下午2點08分，美期最大的分鐘跌幅已出現(我主力不是睇分鐘圖，但也要斜眼望實)，我平倉兼反手，做價是2936，賺了55點標普，即約400點期指左右，我原對反手信心不大，但既然已有如此利潤，加上美期急跌，似恐慌出現，我打算拿1／3利潤來博,當時見反彈到2936，遂落2919止蝕，期後反覆向上，我將止蝕放在2935，亦有對部份群組講試下放2935，但都唔敢話太有信心，期後升高D，升高D，我晚上同舊生聚會，反正下了止蝕就不理，見面前更多下了一個向上爆買盤，做不到就算，結果幸運之神眷顧，沒HIT我的止蝕，更hit中 向上加注盤，聚會後，外期見2994，主要由於聯儲局買入企債所致，亦有傳聞中美談得很好現轉機，破了早上頂位，我選擇平手上一半，過後，睇番當時唔平仲好，但我已賺了全日幅度X2，滿足了，反正還有一半在手,今朝再算，嘩！今朝升到3060，又賺多60點，由2936升到3060，共124點，約等同1000點期指，一晚功夫，滿意，這半我唔平住了，反正已食了一半，我坐耐Ｄ，唔由頂部跌60點標普唔平倉，博一博，反正這60點是在睡覺賺來，有幸運成份，就交給幸福之神的手吧(講話幸福蹠，有計過數既)
以上所述，無用過任何一個外面所謂的指標，只用了一張私伙報價圖以及個股評估。對有意炒賣期指的朋友，應有些的靈感啟示。寫這些，不是鼓勵大家玩期指，我只是寫給玩開的朋友看，炒即市期指，很多新手趨之若鶩，但老實說難度比個股大得多，瞬息萬變，個股可以用大半天來作決定，期指可能只有10秒（我應寫多了），想慢點，按鍵慢點，也不行，我非正式統計，100人玩，1個和，98個輸，想早點可以「做多份PART TIME」還債，玩期指是捷徑。
個股段落:
至於個股，昨日我無點理，放在大市期指的心思較多，只是＃8083 中國有贊多食了1/4。當大市跌得較凌厲時，很多朋友會有清貨的念頭，一些群組同學生都有問，我的睇法係一係上周四走，上周四25000，納指10000點時叫走唔走，就不會等跌了三天時走，點都睇多一日，反正有利潤在手都唔怕，等跌多日才驚都唔遲。
昨日不是驚的時候，我加了期指好倉，無加股票，但TM應有作為，＃2013微盟、#241阿里健康我仍喜愛，＃1177中生 2送一階段，財技炒作參與中，＃1268美東4S批極唔跌，我當是當年的#330來炒，物管我今日試吸，如裂口高開我就等等，買些無裂口高開又大隻的。
金股我話過叫留意但唔好買住，昨晚金大跌，繼續等，＃3808重汽揸左好耐，＃2357中航，中美言談暫歡，若跌穿3.95，無咩賺頭離場，昨日買了一隻手遊股，一隻昨日確認質變的二線地產股，100幾億，居然突破，坐上去，好了，寫得尚算詳細，無補充了，好睏，睡番個鐘先。
士佳說 - 張士佳 舊文
來源 source: http://skycheung.weebly.com