士佳說 - 張士佳 2020年7月7日
【#士佳說 】張士佳：醉眼淘金一分醒
【#士佳說 】張士佳：醉眼淘金一分醒
記得上個月在seminar中，同學問是否應調錢去炒美股，我答話我正從美股調錢來炒港股，無聽真，以為係戲言，睇番昨日應該有深切體悟。
昨日港股2500億成交，到底2500億成交是一個什麼概念？根據香港証劵歷史，除了昨天，共只試過五天2500億或以上的成交，分別係2015年大時代三天，2018年兩天。由於銀紙貶值，2007年直通車的2098億也應算等同或超過2500億，所以昨天是第7次到此水平，當日膽敢叫調錢番黎，不是空談，而事實上大家搵港股升的絕不困難，當然美股也有颷升股，但港股這一段，大家搵股之易，實有得心應手之感。
既然咁易搵，我今天不寫個股，只寫應市，隨街突然咁多股神，前段日子低迷之時，無推介，現在就買了這坐了那，冧把隨街飛，市好冧把隨處有，我不淌此渾水。（最近少有人提爸爸，我反而覺得唔太差)
征戰多年，知道昨天2500億成交是關鍵，如今日做陽燭，大市正式向好，我估計不易做，但又唔係有水晶球，聲勢如此猛烈比當日大時代更甚，當日有配資，今日冇咁多健康得多，所以話唔埋，我先前在電台節目都是講26000，現在已經達標，要再上去，難度增加是正常，最好是邊突破，邊成交上升，否則，可能調一調先，但波幅咁大，調一調都可以好深，所以個市炒得咁紅，我的持股除了醫療器材外，其他像內地券商6066，中芯981等等等等股價都一再飆升，但今日開市，我卻是少減不是加，但減先係慢慢減，無成交的上升可以延續幾天至個幾月，現在唔玩，好蝕底，但到他日出訊號，要減時又肯定跌了好多，所以大家要做的，就首先不要因為以為「有金執」，怕蝕底，貪字得個貧呀，若貨底太少，你可理性地加，但我講定先，我邊升邊減。
但減得唔急，通常「懶醒」都無著數，人家說眾人皆醉我獨醒，曲高和寡，無著數，我一直有教「人棄我取，人取我進，人進我搶，人搶我守，搶而成交不創新高，我開始走」，人醉你可共醉不用太快醒，我同學生講過呢一仗，可以令您 一世唔使做，但要適時才醒（這個我可有獨門功夫不能公開談，但放心，也會有所提示），先能享受到酒意而不有醉態，但現在酒醉先要有一分醒，不能全醉啊！
士佳說 - 張士佳 舊文
來源 source: http://skycheung.weebly.com