士佳說 - 張士佳 2020年11月26日
【#士佳說 】張士佳：頂位反覆
【#士佳說 】張士佳：頂位反覆
尋日我都寫外圍好，睇能否企到26791樓上？睇我語調都猜到一般般，結果炒上27000唔夠半小時就跌番落黎，始終未能擺脫高開低走的格局，27000我哋唔少同學都用我地方法開淡倉，賺咗餐飯，其實咁多年施政報告，除去年外，年年都陰燭，事前放好消息，然後失望，都見慣了。
我都以為會將第二上市股放入互聯互通，點知都係無，不過，我既做法就古怪，我都已經同大家分享，我趁阿里#9988兩個上升裂口開淡倉。咦？明知會開放其以港股通（至少街外甚至我都係咁睇），唔係應該揸#9988咩？我諗緊咩，咁，兩個上升裂口點黎，Price in 左呢個消息喇，如果林鄭有講，升唔多，無講就有得跌，記著，我們投的不是方向，是值博率。
咁我又唔岩得曬，我都有買港交所#388，就係見佢無咁誇，無兩大上升裂口，結果，即日走大半剩低少少就算。
港股全日靠油股、匯豐#5及內險頂坐，歐央行間示明年准許派息，#5即刻彈升，不過股價而到了250天線，見陰走人算了。內險股唔錯，北水垂青，中金話板塊輪動，計我話，唔太差既野平咪升番囉，我揸住#2601太保，#966太平，主力二線，貪其波幅，就算唔係內險，保險股945宏利都值得局做功課，如果佢回一回，再破頂我相信都係唔可以走漏眼，不過現在升得咁急，就千祈唔手多，他回左更唔好多，此股一跌，經常跌好耐好深，唔確認不要憑冧巴買。至於油股兩隻都係到了250天線，又到反覆之時，油價反覆向上，早期例玩#2883，#2883已炒左,就到化工#3983，睇下今次係唔係咁。
我日前同大家講美國新能源車似當日D虛擬貨幣，細幣跌無影，只剩Bitcoin闖兩萬，所以我沽空小鵬，揸TSLA，港股就揸比亞迪#1211，長城#2333，結果市場俾面，小鵬跌十个，TSLA升三个，我唔知係咪跌的開始，始終做頂要反覆向上，沽空盤我隨時可平，但買上我就揸大唔揸細了，我既言論出左，咁岩就傳出發改委要求向地上報新能源車情況，通常初頭都係UP下，要求新能源車由25％銷量變20%未必可落實，但大家睇睇醫療器材股的情況就知幾恐怖，所以密切留意，情願細注揸長，比重注被震走好。噉如果真係中國嘅要查一查，咪益咗TSLA，所以尋晚破頂有理，如回一回再破頂又加注
至於香港地產由於無講減印花稅而下跌，其實當中好多係商場及收租股寫字樓股，都唔關事，我仍睇好，好似好耐之前提過既太古B ，就算太古A被剔出藍籌表現都幾好啊，講過既14希慎都唔錯，而17新世界如果跌一跌，再破頂，將確定升勢。但揸呢D股，一句講曬，要有耐性，升中帶跌，逢跌番幾日收集，然後耐心地坐，比升追跌斬高得多。
最後，讓我向剛離世的一代球王馬勒當拿致敬，雖然他人生很多缺失，但另一方面，確實帶給我們很多驚喜，難忘片段，戲劇性嘅時刻。傳奇人生，夫復何求，May Diego Rest In Peace!
士佳說 - 張士佳 舊文
來源 source: http://skycheung.weebly.com