士佳說 - 張士佳 2021年1月4日
【#士佳說 】張士佳：2021，港股尋寶地
【#士佳說 】張士佳：2021，港股尋寶地
踏入2021年，先跟讀者說聲新年進步，身體健康！新的一年有個好的開始！回顧2020年的最後一個交易日放量上升，完美的畫上句號，值得高興。這次指數突破兩個月來的橫行格局，受到兩大利好催化所刺激。
第一就是中歐領導人共同宣佈，如期完成中歐投資協定談判。此次中歐簽訂協議，對雙方都將帶來益處。有利於新能源板塊，將爲光伏、風電企業的出口和投資帶來市場機會。出口刺激也較大，預計能夠在2021年額外拉動中國對歐盟出口的5%左右。雖然還需要時間嚟全面評估，但股市的突破反應市場的信心還不錯的。今日要留意#658高速傳動及#2208金風科技。
另外一個跨年大禮，就是年金基金投資政策調整，將爲資本市場帶來3000億增量資金。利好券商板塊，當中最穩陣當然係港交所#388利好，我買晒D爆升股都買到冇錢，遇著呢啲穩打穩紮，真係連床下底個錢罌都要攞埋出嚟先至夠買。ATM一樣，如果呢一個月嚟大家都係貪方便唔理唔理，唔去搵一啲爆升板塊，戀棧ATM，其實已經蝕抵曬，大家可以見到我呢一個月嚟寫嘅篇幅係細咗好多，我主要都係做pair trade，食咗大截之後就冇乜理，主力反而係隻小米，臨收市兩日開始見ATM有力，就買返啲TM，始終對A唔係咁信任。
跌得多嗰啲我又唔係唔買嘅，像#981中芯國際，再傳利好，可能獲得了美國成熟製程設備許可，我在視頻都有講，有幾日炒下，但見到啲錢都其實由華虹轉過嚟中芯另外加多一倍，炒多兩日算。
光伏玻璃再度發酵，#1108洛陽玻璃擬受讓北方玻璃及晶華玻璃控股股權，而且擬定增募資不超20億元，投資於太陽能設備，充足的資本加上產能的擴大，如虎添翼，再大升23.64%。粉絲都知道呢隻愛股我有跟進，但呢類型嘅股票，同五菱#305一樣，飆升之中突然來一個大陰燭回調，所以只能持有，急升沖完低位買返。8.5-9.0會搵機會食番半。
汽車板塊表現也相當亮眼，美股Tesla Model Y，降價十幾萬人民幣，TSLA 股价突破705美元，NIO，XPEV 也反彈得不錯。
吉利#175亦傳利好，李董事長話登陸科創板後將與volvo汽車合併重組謀求雙方更加緊密的合作方式，消息刺激大陽燭破頂直逼三年前28蚊的阻力區。
#2333長城汽車近期強勢不可擋，幾個重量級消息，2021年實現中國首個全車L3級自動駕駛；另，又與高通、華爲合作協做車載智能芯片、高算力智能駕駛計算平臺等。搭載激光雷達嘅WEY品牌車型亦會於明年下半年量產。軟硬體兼備，我就照跟系統坐住一些，另一些十幾元食咗鬼咁耐，一日未中止賺都唔知幾時見頂。
龍頭#1211比亞迪也有重啓第二波的意思，12月前四周銷量同比升逾3成，公司審議通過擬分拆控股子公司比亞迪半電子，專心做好電動車及刀片電池也是利好的。四個轆咁好唔知幾時到兩個轆。
一早話您知汽車零件唔講得笑，亦講過炒細唔炒大，我品評過嘅信邦#1571又突然一爆，#558，雖然整支長上影但我睇調完之後都係要再爆。大市值既敏實#425算聽話但，耐世特#1316就扭計，整個板塊都買的就穩陣好多。
2020年終於平穩度過了，美股更是魔幻的一年！納指創2009年以來最大年度漲幅，疫情改變人類生活習慣，造就科技股大牛市。三大指數屢創歷史新高， 就連巴菲特都説自己沒有見過這樣的情景。我亦未見過股神在浪底沽貨，2020年居然見到。
2021年，要睇實美元，美元下跌唔會一面倒，過去兩日最大焦點就係BTC上到三萬四，市場人士嘩嘩嘩之際，我就逐步獲利，星期六日都可以交易，沽到341xx，好振奮，我記得年幾前同一班股評人高手食飯，我話睇好BTC，買的儲下，結果跌咗兩成先，風水輪流轉，今日升倍幾，又有子彈喺股市度搏殺喇。
送舊迎新，1月拜登入主，制裁中國科技公司的做法可能會繼續。不同之處可能在於夾埋盟友更為明刀明槍，總之就唔會令你好舒服。中概股肯定回歸PDD／BIDU/BILI要昅實。另，民主黨上臺，新一年的焦點股所在， 已同大家反複提及—一 光伏，新能源，風電等。
不過，目前在環球疫情尚未完全受控的情況下，至少今年首季經濟重回正軌的機會微乎其微。去年各國央行大手「放水」，令環球股市普遍造好，但當前實體經濟依虛脫，難言全面復甦，時間更是漫漫長路，就算2021年股市整體盼望向好，但都不會一帆風順，相信當中仍有巨大震盪，殺傷力比疫情時期也不遑多讓。
幸好我們曉得分別市場板塊焦點，來年除了光伏，新能源，風電外，各EV電動車及其產業鏈玻璃電池半導體板塊，醫藥尤其生物科技，內循環消費股，科技應用AI，無人駕駛，雲端大數據輸送，電商及智能家居，還有RCEP 相關受惠股也是極具潛力，絕對是我們尋寶之地。
士佳說 - 張士佳 舊文
來源 source: http://skycheung.weebly.com