李華華Online｜超人同日聯同地產商「一式一樣」向國家安全教育日表忠
政府傾盡全力谷「全民國家安全教育日」。
政府傾盡全力谷「全民國家安全教育日」，深入各學校宣傳之外，仲喺各大報紙頭版都見到廣告，落重本宣傳。
除咗政府之外，都有唔少商會、團體表忠，喺報紙落廣告，當然唔少得地產界，好
似信和、新地、恆基，同埋李嘉誠旗下長和系等等。
長江集團同其他三個地產商一樣，喺廣告用上維港相，寫上「全力支持 全民國家安全教育日」。 上次超人較其他各地產商遲咗一日撐港版《國安法》，向《文匯報》旗下網媒表示立法「發揮長遠穩定發展的正面作用」。今次同日用上同版廣告，以「長江集團」明義，包括長江實業、長江和記、長江基建同電能實業，同其他三個地產商一樣，寫上「全力支持 全民國家安全教育日」，仲好似約埋咁用上維港嘅相。
而賣盤成功嘅星島何柱國都有撰文，喺星島用一版撐「教育日」，但今次就無追擊林鄭，指修改選舉制度「堅持社會各方均衡參與，增強了各階層代表性」，仲話「讓愛國建制力量承擔未來建港的責任和使命」，早前講明林鄭月娥競逐連任佢就會參選特首，唔通為自己「跑馬仔」造勢？
-----------------------------
蘋果初心不變！26周年「撐蘋果Tee」預售：
你的優惠訂購（海外訂購按此）
-----------------------------
掌握理財智慧 感受生活品味
investMAN全新網頁 優雅登場
-----------------------------
點擊即睇《Bitcoin投資入門手冊》
一書盡覽新手必讀資訊
-----------------------------
【全球樓行】 Dream House零距離
屬於香港人的移民攻略
中環在線 - 李華華 舊文
來源 source: http://hk.appledaily.com