士佳說 - 張士佳 2021年10月8日
【#士佳說 】張士佳：大市今日臨關鍵
【#士佳說 】張士佳：大市今日臨關鍵
尋日個市大爆發，近日市跌我冇受損，昨日市升都一樣唔係好關我事，但手上啲股大部份都很不錯，但如果今日都升，咁真係可能上高啲先回調，不過唔理咁多了，市股已分化多時，你睇吓啲電股，啲新能源股，啲水務股，全部都係創近幾年新高，甚至歷史新高，佢哋邊度似熊市姐，但係個市就真係跌到淋淋淋，兩極分化成咁，所以而家點都係股行先。
美債危機紓緩，中美關係又似緩和，港股昨日終於有番似樣反彈，開市越升越有，收市勁彈700幾點。油價及天然氣價格回落，市場對通漲的預期稍為降溫，美國債息回弱。個impact已經細左，再加上最近內地當局都少了對科企出招，昨日大市由科技股帶升，其中受惠多少少內地假期出行人數增多，美團昨日升近一成。其中由美團#3690領軍勁升一成，美團數據顯示國慶節期間的總體消費額同比增長29.5%，如果今日再突破向上，就非常強勢股。阿里巴巴#9988在芒格增持下大升，騰訊#700亦不遑多讓。我無沾手TM 好耐，上星期買咗爸爸，今日可能吼美團，但就唔會好似當日三百幾升上去時咁重注。
好多股琴日講過，冇變嘅我就唔補充啦，講吓啲冇講過嘅先，金融股中國平安#2318近日獲摩根大通增持再升，不過升得最好都係匯豐#005，是推高大市主力之一，已連續三日陽燭，債息緩和，短期有機會可能要回一回氣。
昨日港股升幅都幾全面，包括科技、內房、電動車、消費和金融類股份都有反彈；天然氣強國俄羅斯表明將增加供應，歐洲能源價格急升的憂慮紓緩，故油價要回一回，但中線仍要升。環保潔淨能源等繼續被需求，光大系為焦點，另外，上海實業環境#807比較突出3日升四成。
尋日話仲有一兩個板塊留同學生吹，其中一個就係比特幣相關，價格衝破5. 5萬美元，創近5個月來新高。市場重新青睞虛擬貨幣市場，重要原因是美聯儲稱不會在美國封禁虛擬貨幣。港股區塊鏈概念股成為熱點，柏能集團#1263等可關注。
另外，尋日講#1811 #1816炒咗好耐，不如轉炒#579，跟住就找到原來美國核能管理委員會九月二十七日發佈命令，暫停向中廣核及其子公司或相關單位運輸放射性材料與用於核電站重水反應爐的氚，唔識有乜影響了，都係炒未升嘅同埋水務好啲。
昨日回暖的不止是科技股，還有未受施政報告打擊的本地地產股，當日傳聞話打壓地主股，我上緊堂都大膽講，遠水難救近火，樓價好難散，地主股未咁易死，咁多年政府都講夠供應，結果係點？大家見到的。
士佳說 - 張士佳 舊文
本文作轉載及備份之用 來源 source: http://skycheung.weebly.com