士佳說 - 張士佳 2021年11月25日
【#士佳說 】張士佳：繼續有亮點
【#士佳說 】張士佳：繼續有亮點
指數5連跌之昨日有輕微反彈，日中一度拉昇近200點，主要是係受科網股美團及金融股友邦匯豐等帶動，不過到24850附近就回頭，到收市，升幅又吾見一大截。
主要是中央加強對平台經濟的監管，騰訊#700連日來弱勢，北水似收到消息又不停沽騰訊，原來佢D apps幾次被公開通報違規，故工信部提出，騰訊系產品在未獲審批前，一律被暫停更新。騰訊立即回應話會配合，今次騰訊所有App雖然仍可繼續下載使用，冇之前滴滴出行立即下架咁嚴重，但市場見過鬼怕黑，先沽為敬。
但那邊廂，午後有中央官員發表演說要鼓勵平臺經濟創新，引發美團#3690即急彈6%去281蚊，而阿里#9988早上跌到創上市新低然後出陽燭，似乎出了一些抵抗力。
尋日講快手#1024季度營收唔算差，小米差，結果快手都即市有反應，但小米股價創52周低，優劣立見。
隔晚見美股小鵬Xpev做得咁好，第三季表現勝預期，昨日甫開市自然吼實小鵬汽車#9868，小鵬汽車總裁話：希望未來一半銷量在海外，明年進軍瑞典丹麥荷蘭。做車新勢力明顯為市場追棒，股價追過老大龍頭比亞迪#1211，市場有競爭才有進步，我們亦多了選擇比較，咁先好玩。
一葉知秋，不要漏掉另一隻中概汽車股 理想汽車LI ，29號業績斷估唔會太差，港股理想汽車#2015的走勢圖表，跟小鵬之前跑上來實在有點相似，不妨賭一下。呢D好多人講，但有一隻少啲人提，但股價最近表現凌厲，就係北京汽車#1958 ，日前第十九屆廣州車展，由北京汽車同華為合作研發嘅智慧艙燃油SUV - 魔方亮相，魔方係全智慧華為系統控制，重有唇語識別功能，出年4月推出市場，11-15萬元都好似幾抵玩。
零件股方面，小鵬汽車零件供應商，嘉瑞#822我之前都有同大家講過，佢為小鵬P7新能源智能汽車製造電控殼體，由當日講到而家，一個月升咗五成，英恒科技#1760升10%；敏實#425、耐世特#1316等都在追緊上嚟，除此之外，#732 信利早幾日同樂視達成調解，唔需要洗好多錢，當炒嘅股，冇官非自然健康啲。全國汽車顯示屏市場，信利國際以市佔率約6.9%排名第七，除咗LCD顯示屏外，睇吓會否俾車股帶起。
另外，啲國際油價都幾戲劇性，美國話將釋放5000萬桶石油儲備，以抑制油價。不過，市場嫌少。睇嚟油價很難壓下去，但又驚拜登可能隨時會出口術。所以立即觀察緊跟的天然氣，新奧能源#2688、華潤燃氣#1193、港華燃氣#1083會唔會容易啲炒呢？新奧能源入左恒指相信仍會受到市場追捧一段時間，尤其是在冬天。這又聯想到會否導致煤炭價格也會跟隨反彈，觀察住，炒住天然氣先，天然氣股價好怪有一升千好耐，一跌跌好耐，大家自己觀察下。
士佳說 - 張士佳 舊文
本文作轉載及備份之用 來源 source: http://skycheung.weebly.com