士佳說 - 張士佳 2021年12月9日
【#士佳說 】張士佳：市靚股更靚
【#士佳說 】張士佳：市靚股更靚
先前提左除了持股外，揸期指衍生博彈，今日番黎會將後兩者食七成先，唔係睇唔好，係等陽燭升穿尋日頂先入番穩健些。今次由底上來一千點，按理唔夠，我等突破再加。
但主菜依然係股，人地話港股無得炒，梗係！你揸騰訊 #700/阿里巴巴#9988，咁就梗係難炒！你睇創科#669/柏能#1263，你又唔會覺得咁差，呢D股你又唔係捉唔到，爭在你有無信號／方法，我哋耕耘一排，尋日終於大豐收。
上周五／周一我都搵唔到咩股加，周二開始唔同曬，幾頭馬車上曬力，電力係龍頭， 中央有新規，首次將儲龍納入電價，即容許適度市場化價格，稍微鬆一鬆，即有得炒，配完股無耐既中國電力#2380發力，呢隻先前我都已提，話配股不妨低吼，跟住華能#902/華潤電力#836都給力，但我揸了的#2380更靚，創多年新高，氫能亦蓄勢待發，#3899安瑞科更是箇中表表，濰柴#2338都可能否極泰來。
當然，有人快樂有人愁，如果你記得東岳#189，我應第一個提佢有「質子交換膜」，當時$7樓下，梗係炒概念，到炒到$28，我說不要概念當真，「交換膜」上腦，最後$24全線止賺，好多學生當時都聽到，轉眼現在已跌回$12.9，氫能肯定會再發力，但我相信#189的蟹貨會壓住股價了。
另外，我都話過汽車零件好過車，尋日#1760發力，話佢突破燃料電池電控技術，又玩埋氫能車，真係唔買都要睇下，呢隻我入左注，唔多，等低風險入市方法（蕉皮....）再加，#1057都係差唔多理由，都唔錯，我暫只有前者，陽燭突破$2.06先關注。
美股AAPL蘋果創新高，又話增產量，但#2382都唔係太給力，我仲有半注，如果咁都唔升就唔係幾靚了，不過，我高位已走半注，剩低唔靚都唔理住，短線唔靚就換？咁咪無曬重心？
SUN CHANNEL 我講國產替代，浪潮#596/賽晶#580係我主要講關於云及晶片，都算有表現，#580食左半，未入番齊，#596就揸實再加，自己做做功課吧。
先前，我都話OMICRON唔洗太驚，可能我睇得生化危機多，覺得藥廠玩野，嗱，而家輝瑞同BIOTECH又話有效中和變種病毒了，我對開關消費股有興趣，有好幾隻，呢度寫兩隻，#291同#293，前者已有，因為內地控制得好好，而後者則未有買，我等陽突破$6.64就博佢升番近一成。
寫到呢度，下半截留番同學生吹。
士佳說 - 張士佳 舊文
本文作轉載及備份之用 來源 source: http://skycheung.weebly.com