士佳說 - 張士佳 2022年2月11日
【#士佳說 】張士佳：熱烈地淘
【#士佳說 】張士佳：熱烈地淘
尋日話咗你知係關鍵位，一定要陽燭突破，臨門一腳做唔到。根據過往經驗，例牌機前有危，文章都有提過上到25000，低位有買貨的既有利潤很吸引，不妨食啲糊；美國公佈了CPI物價指數勁高反映1月份通脹勁升7.5%創40年新高，市場預3月份加硬息半厘，只怕咁高通脹會導致加息步伐會超快，債息更抽升到2厘。使美股非常反覆，Dow初段大跌過600幾點，收市仍要跌500幾，相信美股再反彈空間有限，可能反覆要再跌了。
相對港股夜偏強，上過25153，總算不錯，提供左非常好嘅短炒上落食糊機會，不過就算打算長線冇食都唔使太擔心，股港指數幾日作氣跑到25000附近又再上上落落消化下獲利盤，很合乎情理，始終都要上望，最多捱下。
尤其是近期科技股走勢轉穩，ATM阿里巴巴#9988與美團#3690為尋日升市火車頭，能夠高開咁多有貨就食少少，不過整日回又回得吾多，睇下今日科技股表現仲能唔能夠撐得住個市，只要吾跌太多就知道新經濟已漸漸轉強，事實上中概股的底氣已見。
尋日舊經濟反而有回下，滙控#005傳擴大對沖基金業務，終於肯微跌0.9%；中銀香港#2388同友邦#1299都只係回好少，中移動#941跌多啲，拖住指數。但美國通脹咁猛通脹，加息預期又加快，可能又再刺激一衆金融股。
反而內房有利好消息，內地傳出多個地區下調房貸利率，今次政策放鬆逐步到優質民企融資恢復，世茂#813和融創#1918齊飆超過一成，吾少得一線內房龍頭中海外#688升近4%，創52周新高。華潤置地#1109、龍湖#960都全日慢升得吾錯，直迫前高位。物管股也有表現，如世茂服務#873、永升#1995，#6049保利物業不斷向上整固，一直睇好的綠城管理#9979陽燭多到數唔清。
內房股氣氛好轉，生存概率大幅增加帶起一種內險股，平安保險#2318繼續上，挑戰67蚊。仲有太保#2601，新華保險#1336，中國太平#966，中國人壽#2628等都正在挑戰250天，內險大翻身，皆因估值太平。
資源股續造好，倫敦期銅每噸重上一萬美元江西銅業#358，紫金#2899，中鋁#2600，俄鋁#486，宏橋#1378等抽高6-7%，幾隻圖表都在不斷出積極信號，趨勢很好，都是因為通脹。
國內配合政策，多個重大建築及基建項目動工，尋日水泥股跑出，海螺#914，華潤水泥#1313，中國建材#3323等再爆升，值得楂實。跟進埋中國建築#3311，先前話調整到尾聲，尋日就強勢破頂，進入直路。相信基建龍頭央企三寶中交建#1800、中國中鐵#390、中鐵建#1186都會緊隨其後。
今日跌就點都有啲，最重要就係分辨跌嘅時候，北水係買定隊？我尋日個市跌緊嘅時候，都開咗兩幅深滬股通圖同學生分享，睇完就知道北水做緊乜，當時綠色多個紅色，升多過跌，記住我唔係同前一日收市比較，我係同開市價比較，昨日大市一開就跌，但係個股反而升既多，所以跌緊嘅時候，係買入機會，結果上返251xx，今日係點樣，大家都可以照板煮碗睇完今日幅熱力地圖決定。
↓↓↓↓↓↓↓↓熱力地圖（昨日）↓↓↓↓↓↓↓↓
士佳說 - 張士佳 舊文
本文作轉載及備份之用 來源 source: http://skycheung.weebly.com