士佳說 - 張士佳 2022年3月4日
【#士佳說 】張士佳：邊閙邊結網
【#士佳說 】張士佳：邊閙邊結網
港股大市近幾日明顯轉弱，前晚美聯儲加息傾向0.25厘算是落實，美股大反彈，港夜期已經唔跟彈，到昨日港個股反彈，大市仍依然固我，不難想像如美股下鋤，港股必跟跌，晚上市場又再度聚焦俄烏戰情，第二輪傾完又等第三輪和談，唯一好消息系人道通道周邊地區停火，市場唔收貨，美股由升轉跌，可想而知，今日港股低開。
雖然尋日匯豐#005同中銀香港#2388因為加息有得彈下，但指數仍然冇乜振作，夜期更最低跌去近22000，科指更頹，再創成立後最低，跌穿5000點，所以好多人見到港股跌就鬧，恨鐵不成鋼，港股港府一倂閙，林鳳蘭女士成為咗全香港人最關心，最多人問候的一位老人家，我覺得閙還閙，發洩一下，但最重要係諗吓有乜嘢可以做。
大市頹，沽囉？唔敢沽，沽住來買股囉。怕個市跌過龍？咁齋買內需股囉；怕港股一池死水？研究美股囉。怕美股自己唔熟？咁乜都怕淨係鬧冇用㗎喎，邊鬧邊諗方法武裝自己啦。
其實佢越殘越軟就越好，就更加應該等上升裂口，現在環球大行情基本都是屬於困境，香港仍然受到第五波疫情持續打擊，PMI由1月的48.9，跌去至2月的42.9，急速萎縮，疫情的收緊措施，嚴重打擊私營經濟，尤其是出口，零售及餐飲業情況慘烈，但越係咁樣，冇事嘅板塊，表現就越突出。
就好似建築股為例，#1735 #3311 #830呢條三重彩中咗好耐，唔好問我依家入唔入得，#1735 #3311 舊年已經講，我唔記得#1735係做$7定$8，而家挨近$16，你仲問追唔追，港股雖然廢，但揀啱一隻夠頂六七隻，臨淵羡魚，不如退而結網，諗吓點樣搵下一隻好過啦。
美聯儲控制緊市場預期，提左好多次俄烏、油價同供應鏈，市場都清楚既，唔算係咩新野，所以美股既反應唔算大，主要係歐洲股市跌更多，都係俄羅斯既談判最大不確定性，最親俄既德國仲送多左武器去烏克蘭，同埋向澳洲同美國買液態天然氣，好似準備同俄羅斯反面，會制裁佢咁。雖然星期五晚美國有失業率之類數據出，但係之前鮑老都講就業市場冇無問題，俄羅斯單野先係最大危機，尤其歐盟取向對市場好敏感。
燃油價格依然強勁，高位爭持，港股油股繼續溫和上升，昨日提到的煤鋁繼續仍做得不錯，資金似有擴散到其他有色金屬板塊，對象主要揀西方制裁對營運無重大影響的中國有色礦業#1258，五礦資源#1208等，有機會是資金輪動炒下，睇圖主力還是煤鋁，但要開始留意加息之後，以及俄烏局勢，都會影響對通脹敏感的資源股走勢。
俄國除了商品資源油也是小麥、玉米、化肥等多種農產品的主要供應國，但打杖嚴重影響出口，做成國際一定程度上資源及糧食物鏈供應出現短缺。尤其是中國向俄國買吾少農產品及化肥。要解決問題，中國除了向美國加大購買農產品之外，亦鼓勵加強自家種植農村經濟對外開放等政策，亦是兩會議題之一。
戰爭令運送歐洲的航運物流更混亂，多條航線要停或更改路線等，加上油價暴升，全球運力緊張，亦加劇推升運費價格，如國際知名集裝箱運輸荷蘭公司馬士基率先加價，美國多間航運企業股價都破頂。同時對中國的航運業帶來機遇，今次#316東方海外逆市強力破頂，圖表已經無頂，海豐國際#1308、中遠海運#1919走勢都在高歌猛進。
兩會於今日開幕，受環境氣氛影響下，今年的兩會行情暫時不算好凸出，市場都會關注期間新政出台，以便尋找投資主題。相信大方都是穩，保持經濟穩健發展離不開基礎建設，留意番之前提過嘅基建三寶等，除咗基建，我叫同事幫我搵些內需資料，佢哋俾咗以下呢啲資料喎，我節錄部份大家參考下。
啤酒:
#291, #168, #1876:
俄烏戰爭令鋁價上升, LME 鋁價一度升至3691.5 美元/吨, 令鋁罐及大麥進口成本上升, 啤酒企業紛紛提價, 其中在sun channel提及的#1876 百威亞太因應韓國啤酒稅上調而在韓國市場加價平均7.7% ; #168 青島啤酒及# 291 華潤啤酒最近亦已在春節間順利傳導提價, 市場預期提價有望可以轉移成本
公路:
#107, #995, #1576, #548:
去年因為疫情, 內地實施通行費免收, 但隨疫情逐漸受控, 境內遊人數因春節及冬奧增加, 預期公路通行費收入回升, 加上全國兩會今日(3月4日)開幕, 中國基建穩增長政策更成亮點之一, 市場更估計大陸第一季基建投資將年增10％, 預期令公路股受惠
紙
#2002:
近日因為原材料價格上升, 多個紙企陸續發起提價, 白卡紙3月開始漲價至200元/ 噸, 文化紙漲至300/噸, 紙企普遍漲價下, 預期可以轉移成本, 增加紙企利潤, 其中#2002 陽光紙業近日發布中期業績, 利潤大幅增長, 2021年上半年實現收入38.07億元，同比增加34.19%
化肥
#1866:
俄羅斯和白俄羅斯是全球第二大和第三大鉀肥生產國，產量分別約佔全球鉀肥總產量的20%及17.4%。2022年中國、印度鉀肥大合同價格鎖定在每噸590美元，按年大升343美元，創10年新高。美股 #NTR 同 #MOS 都係受惠股。
士佳說 - 張士佳 舊文
本文作轉載及備份之用 來源 source: http://skycheung.weebly.com