士佳說 - 張士佳 2022年4月22日

士佳說 - 張士佳 2022年4月22日


【#士佳說 】張士佳：靚股跟市跌，唔跟穿
【#士佳說 】張士佳：靚股跟市跌，唔跟穿


​20220422..我上月做節目講港股大市一定有低位俾你揸，唔駛追，要等二次突破先可放手買上，次次等唔到，好事！等唔使錢，慳返！尤其現在內地煩疫情，好似唔緊經濟住，人民幣又一下子轉弱， 所以我昨日話港股唔爭氣，點知唔止唔爭氣直情係醜，儘管外圍美國，日本連歐洲股市都曾有反彈，都冇港股份，更顯弱勢。

科網股走勢更頹，科指仲失守埋4000點，人民幣轉弱導致購買力下降，在買盤貧乏下，股市自然難有運行，形成單邊跌市，期指幾難唔見1字頭，上面阻力215xx，幾難陽穿，多數等跌穿199xx ，有新利好消息才二次突破上番黎。

好在前日好多股已經中晒止賺盤，食一大截，否則尋日都幾傷，現在一定唔好手多，不要重倉，啱啱呢下跌似係無差別下跌，強勢到金屬煤炭航運肥料齊齊跌，鬼咩都話中概股，唔會放手唔搞你，又多17間中概列入預被摘牌名單。內地知識搜尋網站知乎#2390掛牌後跌2成。回歸的中概股，市場都係趁消息炒高再沽，吾會掂不特止，在美那邊仲要沽，主要對象有JD, PDD, BABA等，而且之前貼阿里#9988幅死蕉圖，一直俾timing 沽，肥肥的，我最唔睇好嘅2269藥名生物，熊證都和味。

俄羅斯方面，試射了一枚新型洲際彈道導彈後，因爲聲稱可以避開現所有先進防空系統的攔截，美國又即進一步向烏克蘭提供8億美元的武器，驚死佢打完仗咁，似想場仗打得再激烈，美股就越升，加息預期引發資本回流因素。不過尋晚Powell暗時加息會覺得狠來遏通賬，令到道指納指都倒跌收場，美股升港股跌，美股跌港股更跌。

俄羅斯需要依靠出售油燃氣收入來彌補戰爭的費用，而且5月要求用盧布購買，同時引發歐盟加快進口油燃氣，油燃氣航運就最忙碌的，先前提的中遠海能#1138逆市中綠，今日再升會食啲，剩低的博再衝一衝，不過就暫未有諗住長揸，見步行步。

咁日中又唔係好得閒喎，周圍啲股唔得，有一隻得啲錢就會谷晒落去，近日即市主力都係炒隻6108日日升三四成，琴日終於做返枝長上影陰燭，唔再炒即市嚕，等第日陽穿2.58 炒多轉。

個市唔見199xx，似升完都要跌返，但已經直線落緊，唔會再直線落得幾多，我都係覺得個市底見咗，只係升得太多要回下，就算個底不保都唔會跌幾多，最重要嘅係就算大市穿底，D靚股只會跟跌唔跟穿，好似本地銀行股 ，匯豐#005完成20億回購計劃後或啓動新一輪迴購；渣打集團#2888也有，圖就匯豐靚啲。但最靚嘅都係1038#長江基建，#006電能又突破來過，看來跟住誠哥三寶都係聰明錢，至少避過近日大市 chok 上chok落，尋日仲升得靚仔。

下面D內房/內銀/煤/黃金/肥料/味精/船舶，都係強勢已成，候個市跌，拖低入番半注，然後率先破頂果D入多一注，唔爭氣嘅大市反而成為你嘅助力添；但記住唔係成個版塊入，要揀就要揀板塊入邊嘅精英啊，親！

士佳說 - 張士佳 舊文

本文作轉載及備份之用 來源 source: http://skycheung.weebly.com