士佳說 - 張士佳 2022年5月6日
【#士佳說 】張士佳：好在尋日有開餐
【#士佳說 】張士佳：好在尋日有開餐
先前講落今年美股只宜沽空，在Sun Channel 及近日課堂都提大家，美国已到達big debt cycle，佢真係出得嚟行遲早要還，今次我仲唔係行一頭半個月，係以年為單位，逢高沽係皇道，先兩日話希望加息後，拖低港股可以低入，誰知加息後，美股反飈，尋日港股也如期開高，我手上有指數牛仔美臀牛仔阿里牛仔，樂見其成，順道按尋日計劃走去開餐，食左佢；尤其佢升穿近日高位，但做出昨日核突燭，係有名堂的，我上堂講幾種陰陽燭，最憎呢種古惑野，有乜辦法唔沽。事後睇返，做得最唔啱嘅就係冇去反手做沽空，不過真係冇諗到尋晚美股跌得咁快，一夜跌突先前升勢，非常核突。
咁既然係咁，仲買港股？莫非港股靚過美股？呢句說話就講唔上，過去幾年美股都靚過港股好多，但係美股係派完錢救完市谷完經濟後的還債期，內地則係相反㩒左好耐，現在輪到佢疫症，秋天又係重點正字敏感期，無得唔救市，一個收一個救，所以無跌得咁犀利，故此，先至會一個吼高沽，另一個吼低買。
今日夠低，會揾机會補番些走左果D牛同股，但都會補得小心翼翼，不會一口氣，中國服務業PMI差過預期，北水回來又一直沽貨，加上一早講過美國SEC唔會放生中概股，所以，最好都係揀會被振興的來買，那些會被制裁的來沽，咁就係最上算。
市場擔心美國經濟衰退，美國加息都沒有解決到通脹問題，油價，資源價格、糧食價格仲即時升多咗，美股天然氣UNG ETF, BOIL ETF, 煤股AMR.US, ARCH.US 等越是爆頂，因為美市越跌，環球資金就湧曬落去呢啲大型趨勢股。相反，中概係佢眼中釘，質的風險遠大於托。
港股好多會躍，但有些唔會跌得太過份，犬其有消息配合跟尾的，人民銀行增加1000億元支持煤炭開發使用和增強煤炭儲備能力，要保障能源安全穩定供應。有資金即時捧場，伊泰煤炭#3948逆市破頂，兗煤澳大利亞#3668亦有突破支持；仲有消費救国，一直提著的海昌公園#2255 股價亦炒高10%；仲有炒D唔關個市事的細价股，前兩日講既#1729匯聚科技，逢低炒番上的#330思捷環球，都有表現，呢D今日大市跌，跟埋跌都好正常，但跌都唔會跌太多。
雖然港股已經比美股強，但亦會受外圍消息影響，暫時於一個低位範圍千幾點上上落落，距離阻力位亦遠，現在追沽，不一定有水位，所以現階段每逢跌一千幾百點，都細注儲下靚股，就算市跌落嚟，股都未必太傷。
士佳說 - 張士佳 舊文
本文作轉載及備份之用 來源 source: http://skycheung.weebly.com