利率期貨顯示，數據公布後，3月加息0.25厘機會由82.7%升至97.4%，5月再加息0.25厘機會由30.1%升至59.5%。
係鷹定鴿？上周美國聯儲局一如市場預期加息0.25厘，美股即市先跌後升。睇份議息聲明，話「ongoing increases in the target r
ange will be appropriate」，留意「increases」係眾數，意味下次議息唔係最後一次加息，照睇偏鷹，但市場解讀為最多加多兩次。再睇主席鮑威爾喺記者會嘅講話，佢話「non-inflation」已經開始，佢總共提到「non-inflation」13次，呢個係從未用過嘅字眼；而且佢對「financial conditions have loosened since the fall with bond yields falling」嘅提問避重就輕，咁睇又偏鴿。Anyway，市場共識係加息近尾聲。
美股外幣即時報價 多國新聞任睇
藉加息尾聲挾上後，美股輾轉回落。美國上周五公布，1月非農新增職位51.7萬個，大幅高過預期嘅18.5萬個；失業率亦出乎意料跌至3.4%，低過預期嘅3.6%，係1969年5月以嚟最低。就業市場數據強勁，市場加大對儲局繼續加息嘅押注。利率期貨顯示，數據公布後，3月加息0.25厘機會由82.7%升至97.4%，5月再加息0.25厘機會由30.1%升至59.5%；市場預計，聯邦基金利率目標區間喺5至5.25厘見頂。上周五道指、標指、納指分別跌0.4%、1%、1.6%。
債息預示 明年減息半厘
咁美國幾時減息？鮑威爾明言今年唔會減息，誠然，喺勞動力市場依然緊張，引發工資增長壓力，繼而引發潛在通脹壓力之下，減息言之尚早。市場又點睇？睇利率期貨，市場對賭息口最快喺今年底回落；而睇國債孳息，以2年期債息現為4.2865厘，相對1年期債息現為4.7899厘計，2年期債息低過1年期債息0.5034厘，換言之，投資者押注明年將會減息逾半厘。
睇返港股，上周回調整固，5個交易日4日報跌、4枝陰燭，上周五收21660，跌1.4%，全周累跌4.5%。中美角力升溫，納斯達克金龍中國指數跌3.9%，港股ADR比例指數低水127點或0.6%，藍籌中槪科網股ATM美國股價較香港低1.6%至1.7%。恒指失守10天線、20天線，但仍守住上年10月尾以嚟嘅上升軌21400水平，若守穩，有望上試23000關；若失守，或將下試250天牛熊線20200水平。
電能股息率 公用股之冠
值得注意嘅係：①恒指經過3個月升市，累升逾8,000點後，1月底加權平均股息率跌至3.02厘，相對被視為無風險利率嘅美國10年期債息現為3.52厘，吸引力大減，由外資沽港股ADR，尤其中概股，已可見一斑；②北水自內地股市上周復市以嚟，連續5日錄得淨流出，累計流走174.88億元，北水流走恐怕未完；③恒指喺過去3個月升市，跌至20天線都能單日重上該線，但上周五未能竟功，或會出現深度調整。
美國加息近尾聲，美國10年期債息由上年10月高見4.34厘回落至現時3.52厘，同本港公用股股息率嘅差距拉遠，公用股吸引力回升。當中，電能（006）股息率最高，現價股息率6.3厘。據摩通統計，2000年起，電能股息率比美國10年期債息平均高1.94厘，換言之，若現時電能有5.46厘已具吸引力；據彭博綜合券商預測，電能2023年、2024年預測股息率都有6.4厘，高過5.46厘，更比美國10年期債息高2.88厘，收息之選。
割柑人
www.fb.com/hkstockpicker
本欄逢周一刊出
操盤手札記 - 割柑人 舊文
本文作轉載及備份之用 來源 source: http://hk.finance.yahoo.com