古星輝 - 智慧聊天機械人迎新學年 | 乜都5G
暑假過咗一大半，老師及莘莘學子都開始收拾心情，準備開學。我哋特別為學校而設嘅智慧聊天機械人、5G機械人及AI大使亦準備就緒，隨時為促進家校合作，提升教與學嘅效能出一分力。
全天候運作促家校合作
香港嘅家長工作繁忙，一般要夜晚先有時
間睇仔女嘅功課，關注佢哋嘅學業，有時有問題想問，學校早已關門。呢個時候，智慧聊天機械人可以幫到手。
專責教育科技應用嘅同事，特別以大型語言模型及自然語言處理軟件為本，配合機器學習，打造AI Helpdesk方案，為學校度身而設專用數據庫，俗稱「私海」，包含資料如學校政策、課外活動、校曆、校規等。家長要知道幾時考試、舉行水運會，惡劣天氣安排等資料，可以24小時於手機的專用程式向聊天機械人查詢，立即得到回應。有關方案只供以已登記嘅家長及教職員專用，相對於「公海」找尋資料更安全穩妥，有助加強家校溝通。
將智慧聊天機械人加以修訂及調校，即可打造學校教職員專用數據庫，內容改為教育局指引、校務資料、學生紀錄等，聊天機械人即可擔任AI Assistant，助教職員搜尋資料，提升學校管理效率，減輕教職員嘅工作負擔。
智慧聊天機械人仲可以提供網頁版AI Tutorial，幫助學生溫習或自學。只要將相關學科資料或課程內容輸入專用數據庫，聊天機械人就可以陪讀，以至為學生提供學科練習或選擇題，提升學習興趣及效率。
當學校招生或舉辦大型活動如家長日、開放日或畢業禮等，更可出動實體5G機械人幫忙接待、帶位，以及應用AI大使，方便參加者查詢學校資訊。
提升學習興趣
學校仲可以用人工智能為老師製作虛擬化身（Avatar），輸入文字教學內容，再揀合適背景就可生成有字幕嘅教學影片，方便學生溫習，又節省實地拍攝短片嘅成本。方案更支援中、英、法及西班牙文等多國語言，適用於各種教學環境。
學校係人才嘅搖籃，政府為提升創新科技於校園嘅應用，早已推出咗適用於小學嘅「奇趣IT識多啲」及「中學IT創新實驗室」資助計劃，上限分別為30萬元及100萬元。作為各行各業應用先進科技嘅推手，我哋電訊商好樂意擔任業界及學校嘅橋樑，提供專業意見，協助打造新一代5G智慧校園，為香港培育更多人才。
和記電訊香港執行董事及行政總裁
古星輝
乜都5G - 古星輝 舊文
本文作轉載及備份之用 來源 source: http://www.stheadline.com