中環在線：股價「撕折」思捷小心叮走 - 李華華
柯清輝(中)企?城大校長郭位(右)同梁乃鵬(左)中間，所謂的笑容似苦笑多?，冇法啦，見到思捷咁樣，仲笑得出咩？
曾幾何時，思捷(330)乃藍籌股王，市值有成2000億銀，夠曬巴閉。可惜近年管理層經營不善，接班人一蟹不如一蟹，上月底仲要供股抽水大救亡，咁搞法，股價當然又「撕」又「折」。原來思捷?49隻藍籌?市值排名，已經跌到包尾，一個唔覺意，隨時俾人踢出成份股行列。
百麗零頭都夠贏
以噚日收市價計，思捷總市值得番212億，由高位蒸發九成，?恒指成份股中敬陪末席，比起尾二?中遠太平洋(1199)仲要少76億，叫做僅僅睇到人?尾燈；同為零售股?百麗國際(1880)，市值高達1230億，名符其實零頭都夠贏思捷。
咁?恒指公司呢個星期五進行季度檢討，大熱染藍股份包括農行(1288)、銀娛(027)同昆侖能源(135)等，隻隻市值以千億計，要踢走思捷話都冇咁易。
唔知係咪費事俾人問思捷冇得做藍籌點算，定係忙住勸股東參與供股，思捷主席柯清輝噚日出席城大榮譽博士學位頒授典禮後，粒聲唔出就走?。其實都可以理解?，柯大俠退休前係星級賓架，今年中走馬上任做思捷主席，大家都有些少期望，如果轉過頭連藍籌地位都不保，真係好難講得過去，唔講好過。
李華華
mailto:LiWaWa@AppleDaily.com
思捷神話破滅，莫非真係要等個天打救？
上一則: 內地七銀行寬信用卡罰息
下一則: 中環在線：翠華老闆紙上富貴 - 李華華
中環在線 - 李華華 舊文