投資的天空：油氣設備股續? - 張士佳
當人家覺得墮崖機會正在減少而炒番上去，港股卻顯得乏力，連續兩日陰燭收場，雖然睇落唔稱得上積極減持，不過確逐漸見到獲利盤的出現，似乎投資者想先鎖定利潤。
早輪的明星板塊中，油氣設備股仍然相當強勁，但內房已力有不逮，昨日兩隻藍籌內房股皆跑輸大市。雖然個別內房股有股東配股減持，屬技術問題多，但在市場套利情緒有所上升下，板塊短期的動力難免受影響。如之前所言，望佢再跌多?先出手，自己暫時都係?住一些落後股及內險股為主。至於油氣設備股，既然市場仍炒得不亦樂乎，就繼續?住先，唔夠膽估頂沽，最多設下一些止賺位減持。
另外，今年表現非常亮麗的REITs，近日整體表現略為失色，一來市場風險胃納上升，令板塊出現沽壓，二來聯儲局將息率與失業率及通脹掛?，也令市場擔心加息步伐或比預期中快，這會對高息股的估值構成壓力，暫時仍未係時候撈。
組合方面，前日買入的雨潤食品(1068)只係當佢落後股咁短炒，並非長遠坐貨之選，一到位就要走，所以今日定下以6元沽出的長期指令。
張士佳
元大寶來證券(香港)業務及商品發展總監
與曾卓鋒(元大寶來證券(香港)客戶經理)聯合執筆
(逢周三、五刊出)
上一則: 青心直說：思捷逼你屙清光 - 胡孟青
下一則: Follow Me：炒影子股瑞年睇升69% - 高彰坡
投資的天空 - 張士佳 舊文