中環在線：陳啟宗反踩瑞信四叔話我?地最靚 - 李華華
■陳啟宗臉色紅潤，係老當益壯定心火盛呢？
梁志永攝
恒隆地產(101)主席陳啟宗出名話人唔使本，上月有分析員出份研究報告，話恒隆?內地?商場選址最差，陳啟宗應該chok住道氣成個月，噚日趁住一個頒獎禮狂鬧分析員水平低。
瑞信上月20日出?份講內地商場?報告，不斷讚華潤置地(1109)?商場選址最好，恒隆就最差。
噚日有人提到內地商場競爭激烈，即刻撻著?陳啟宗，佢自動波係咁鬧，「好似有一份報告，個analyst水平低到不得了，話我?恒隆地點最差，worst，你話我?worse都算啦，簡直係天大笑話！」
老臣離職玄妙解釋
鬼咩，陳啟宗最自豪就係早著先機，當大部份本港地產商掛住發展本港住宅市場，佢就北上做商場，仲要揀親都係靚位。瑞信份報告話佢?商場選址最差，梗係激到佢生蝦咁跳啦。
為?加強說服力，陳啟宗仲?埋彤叔同四叔出來，話幾年前彤叔?內地返來，打電話畀佢，讚恒隆?地最靚，四叔直情話係全中國最靚。
其實邊有上市公司老闆鍾意俾分析員唱衰，香港勝在有言論自由，唔鍾意可以鬧，可以唔畀生意呢間投行做，但唔可以阻止分析員做?，分析員都係照住個model做分析，buy唔buy係投資者?事，股價反映曬！
至於老臣子姚子賢同高伯遒最近連環辭任執董，陳啟宗好玄咁話：「董事會相當程度上引導過程。」睇?雙方傾掂數？
李華華
mailto:LiWaWa@AppleDaily.com
上一則: 鴻圖道工廈正式申請強拍
下一則: 中環在線：柯大俠肉酸連任 - 李華華
中環在線 - 李華華 舊文