中環在線：中資股夠鐘換核數師「四大」出局慌 - 李華華
Big4爭大佬輸?飯碗冇
四大會計師行?高層呢個月應該如坐針氈，事關國資委將會為九間一線中資股重新揀過核數師，呢九間中資股包括三大航空、電訊同埋石油公司，一年審計費少則2000萬(人民幣．下同)，多則接近1億，轉去幫另一間做核數都還好，如果不幸出局，一年唔見咁大筆生意，真係裁員都有份。
國航中移要換核數
財政部同國資委舊年底出?份文件，規定幫中資股核數?會計師行，最耐只可以做10年，華潤置地(1109)同中國海外(688)率先換?會計師行。聽聞，呢個月輪到國航(753)、中移動(941)、聯通(762)、中石油(857)等九間一線中資股要換行。
翻查年報資料，呢九間中資股舊年?審計費用(連埋畀核數師?非審計費)，以航空公司較少，由1300萬至2000萬左右；電訊公司最勁，7000萬至9600萬，中石油、中石化(386)亦要7000萬左右。
家主要由安永、羅兵鹹永道同畢馬威幫佢?核數，有「四大」高層笑言，三間行打亂做都仲好，如果其中兩間互換，剩底一間都唔知點算，只會冇得做，一年千幾萬審計費唔係少數目，何況幾千萬？聽聞「四大」已經安排好大量人手寫標書，絕對不容有失咁話。
李華華
mailto:LiWaWa@AppleDaily.com
上一則: 港人置業首選名校區
下一則: 中環在線：魏駿傑911萬為囡鋪路 - 李華華
中環在線 - 李華華 舊文