中環在線：大家樂創辦人97歲學WhatsApp - 李華華
早排向一位五十幾歲?報業高層拜年兼影相留念，照例互相WhatsApp番畀對方，先知道呢位前輩仲用緊非智能手機，即係只有打電話同SMS功能?種，真係無言！反觀大家樂(341)創辦人羅騰祥就夠曬潮，97歲仲去學用WhatsApp，真係要畀個like佢。
聽羅騰祥乖仔、大家樂CEO羅開光(Sunny)講，佢阿爸今年雖然97歲，但依然樂於接受新事物，最近就係學識用WhatsApp。
Sunny話，阿爸起初以為個程式叫「What"s up」，問佢呢個係乜東東?陣，Sunny都一頭霧水，後尾先估到佢講緊WhatsApp。羅老先生好精靈，話咁快學曉點用，睇報紙見到大家樂?新聞，仲識send message同阿仔講，幾咁潮！
唔慣自助上海人要服侍
講番農曆新年，Sunny大年初一都冇放假，晨早北上深圳跟分店同事食飯，下午返香港巡舖。雖然整體生意不俗，但面對食材、人工、租金長期「三高」?成本壓力，公司都要諗計，例如本港大家樂?食品種類較以前少，旨在精簡流程。
至於內地，Sunny話，上海呢類富裕地區，顧客唔鍾意自助形式，最緊要有人服侍。為?符合市場需求，上海分店近月全線改為有服務員落單兼送餐，做到好似茶餐廳咁，希望可增加晚市生意。大家樂呢招到底掂唔掂？遲嚇睇業績就知啦！
李華華
mailto:LiWaWa@AppleDaily.com
■羅騰祥(中)十幾年前個樣同𠵱家都冇乜點變，果然玩得是福。右為大家樂主席陳裕光。《壹週刊》圖片
上一則: 陽光房託半年派息8.5仙
下一則: 中環在線：郭炳湘再搵老師出馬 - 李華華
中環在線 - 李華華 舊文