陸羽仁 BLOG 2014年3月4日
股神入市
2014/3/4 上午 09:39:43
網誌分類: 經濟
俄軍入侵烏克蘭事件令歐洲股市中錘，但美股股市相對平靜。俄羅斯RTS指數跌12%，德國股市跌3.4%，法國跌2.7%，但杜指只跌0.9%，下跌153點，標普500指數在中午最多跌1.3%，其後反彈，最後只跌0.7%。美股雖跌，未起恐慌。
俄國入侵烏克蘭克里米亞，美國表明不會出兵，只會和盟國對俄羅斯玩經濟制裁，雖然搞到俄國盧布大跌，要馬上加息1.5厘，順便隊冧埋俄國股市，但只要美國不出兵，就好難打得成。俄國意在取克里米亞，似乎唔係想打去烏克蘭首都基輔，所以結局好可能係鼓動有六成人口講俄語的克里米亞(200萬人口)搞獨立，未必係大打出手的局面。
美股分析家認為，烏國僵局愈拖得長，對股票這類風險資產愈不利，對美元、美債、黃金這些避險資產愈有利。人們擔心這會否是西方和俄羅斯長久對立的開始。
而家西方世界都無想過保住克里米亞，佢地眼中的「勝局」係保住大部份烏克蘭唔好落入俄國勢力之手，但即使如此也要付出沉重代價，因為烏克蘭經濟本來已經一團糟，又依賴俄國買平價天然氣俾佢去支持，如今再經歷一場大動亂，若然俄國放手西方接手，第一波要穩住烏國局面，西方都要俾數以10億美元計，衰起上來要俾過百億美元，無論美國和歐盟都唔想俾，最後可能要國基會(IMF)找數，睇嚟都唔係易搞。能源價高令俄國有錢，所以大鼻，西方水緊，故此chicken。
最後睇睇股神巴菲特點講，佢在周一接受CNBC訪問時指出，他不會因為烏克蘭危機就賣股，相反地他還要進場買股：「萬一爆發大戰，錢就會失去價值，那就更不應該抱著錢。」他說，這差不多是他經歷所有戰爭的情況，在戰爭中你最唔想揸錢，你會想買間農場，買間樓，甚至買股票，在二次大戰股票就上升，股市長期來看一定會上漲的。
股神似乎認為，烏克蘭危機令股市下跌，反而係一個買股票的機會，又唔知佢會唔會買俄羅斯股票呢?
陸羽仁
回應(5) 我想回應
陸羽仁 BLOG 舊文