異動空間：五個師奶的啟示 - 魏力
上周五午市，魏力行經證券行入去兜咗個圈，15部股票機得五個師奶，靜過圖書館。師奶A嘆氣道：「買得萬零蚊，擺喺度啦，唔好理佢……」B回應：「唔係點？彈都唔彈嚇，悶死人咩！」另外三人分坐不同角落，似是互不相識，但臉上神情同樣落寞。師奶向來是中資金融、資源股的粉絲，但望望報價機，佢哋清一色都係㩒新經濟股，網龍(777)、雲遊(484)、保利文化(3636)、澳門勵駿(1680)、中國風電(182)，睇番近期走勢，看來佢哋已全線中伏。港股連升六日後回吐，以為資金會轉炒二三線，點知算盤打唔響，尾市恒指跌幅收窄，個股冇力彈，就知氣氛仍差，呢個反彈相信仲未引到散戶落場。樂觀去睇，大戶派唔到貨，應該仲要再挾，升到散戶信為止。另阿里仍未上市，若此時因冧市而擱置，各大投行豈非少一單大刁，收入唔見一截？短線來講，賭升值博率仍較高。
綜觀各板塊，水務股相對仍強，中滔環保(1363)技術走勢好轉，MACD牛差擴大，RSI現底背馳，如突破20日線4.54元，可以追入炒一轉。集團主席於4月至5月多番增持，與現價相近，有一定啟示性。
魏力
http://www.facebook.com/2012jason
上一則: 何車500：綠城中國有得炒 - 何車
下一則: 青心直說：供應鏈的危機 - 胡孟青
異動空間 - 魏力 舊文