情陷夜中環：級數
■在沙灘漫步時單刀直入示愛，但卻被對方一口拒絕，肯定對方冇feel。資料圖片 
學謝霆鋒，我靠在窗邊，看著另一半為我下廚。由細到大，都鍾意學謝霆鋒。講真，八十後的兄弟們，有邊個未學過謝霆鋒？留長頭髮、染金毛、彈結他、左耳穿耳環，一個揮手，一個微笑，都有值得學但好鬼難學的學問，他是我們這個年代的張國榮。
「你望乜?？」另一半問。我望緊你煮?食，係唔係覺得好?？「我淨係覺得廚房好細，你可唔可以出返去？」她老實說。所以話，下次搬屋，一定要整open kitchen。如果你是女人，給一個謝霆鋒望住你洗腕或下廚，你會是甚麼感覺？你需知道，謝霆鋒望一望你唔係人咁品。身為「謝霆鋒研究學」的博士生，我可以告訴你，他笑起上來的時候，那雙瞇起上來的眼睛，威力好比一百句綿綿情話。佢望一望你，「?」就肯定?啦，問題只是?爆定?死?分別。所以話，女方其實已經好收斂，俾霆鋒咁樣望一望，純粹走上前輕輕一吻這般蜻蜓點水就夠了。俾著其他飢渴型，一早成個人擒曬上去。
佔中反佔中、真普選假普選、伊波拉和地溝油，所有本年度最多人談論的話題統統加起來，也不及一男一女的復合來得哄動。從這則新聞的轉載次數來看，我有理由相信，他們兩個人的復合不僅僅是娛樂新聞，而是正正經經的「通識」材料。我最感興趣的不是這段新聞到底孰真孰假(因為都幾明顯係真)，而是我們所有香港人的反應為何會如此一面倒。除?齊齊托高iPhone個價畀大陸人買之外，香港人近來實在好少咁團結。
四年付出不及一個眼神
曾經看過某電視節目，那個節目關於21世紀的男歡女愛。節目訪問一位嘉賓，我忘記她的名字，但我無法忘記她名字下面的「銜頭」，四隻大字──愛情專家。竟然可以為自己定個如此戇居的稱呼，連最基本的自我包裝也不曉，試問，她有甚麼資格當個愛情專家？諗諗嚇，愛情呢家?，其實會唔會有專家？
有，我覺得絕對有。有人把愛情說得很複雜，因為他們不明白愛情。舉個例，你有冇試過追一個人，追?好耐都追唔到？好奇怪，你好了解佢，例如知道佢鍾意食橙但唔鍾意飲橙汁、知道佢怕鬼但又一定要睇鬼片、知道佢食完雪糕會胃痛但又一定要食，然後你唔俾佢食就即刻同你反面，但無論你點了解佢都好，佢就係唔在乎你。又好奇怪，佢深井你灣仔，佢一句唔舒服，淩晨兩點，必理痛保濟丸幸福傷風素乜都帶齊，平時返工放工行到身水身汗就係為?慳幾蚊，你為?佢竟然飛?250蚊的士，但無論你如何隨傳隨到，佢就係唔需要你。Why，你是她肚裏那條蟲，甚至是她隨傳隨到的守護神，但她竟然不在乎你、不需要你，係唔係好奇怪？
然後，再奇怪的事發生在你眼前。公司新來一位男同事，他甚麼也沒有做過，完全不了解她的喜好，不曾為她隨傳隨到，他做過的，就只是輕輕地問了她一句：「偷你支塗改帶得唔得？」你親眼目擊，他們兩個狗男女在電光火石間你眼望我眼，就這樣，她，從此屬於他。究竟為甚麼，你出盡法寶也不能走近她一步，而他就只是偷了人家那支塗改帶，就已經可以順便偷埋佢個心？你可以做的也做過，幾乎為她呼出最後一口氣，死在她面前，她卻毫不動容。但另一個男人就只是如此輕描淡寫的拋下一個眼神，就把她弄得神魂顛倒。
四季酒店的Blue Bar內，一位男同事跟我和另一位同事訴苦，佢失戀。故事好簡單，佢鍾意?一位女同事好耐，而佢同呢位女同事係一齊?佢??舊公司轉過??。數埋數埋，佢同呢位女同事一齊共事?四年。?我?呢一行，個個都會轉?轉去，能夠一齊共事四年，唔係容易?事。為方便引述，我叫男同事Simon，女同事Mandy。
上個禮拜，Simon同Mandy一齊去旅行，因為佢?條team上個季度?業績真係勁到爆燈，整條team的同事一起到越南某城市慶祝，陽光與海灘。有一晚，Simon鼓起勇氣向Mandy表白。所有同事都回到房間，Simon就趁著這個機會，問Mandy有沒有興趣在沙灘「行多一陣」。Simon冇形容Mandy當時?反應，但係我諗Mandy都幾愕然。如果你見過Simon個樣，你絕對會明白，Simon完全唔似??會提出同人?沙灘漫步?男人。千萬別誤會，我唔係話Simon樣衰，而事實上佢一?都唔樣衰。
行到咁上下，Simon開始表白。我?識?有冇四年？「都應該有啦。」Mandy答。Simon搔搔自己的頭髮，再問：「你覺得我個人點呀？」從Mandy回答?反應，我估佢已經覺得勁奇怪。「好好呀，做乜無端端咁問？」Mandy這樣說。聽到這個答案後，Simon的膽量隨即膨脹起來，立即入直路。「咁你覺得我?有冇機會發展嚇？」他問。講真，當一個男人要問個女仔「有冇機會發展」?時候，其實已經代表佢絕對冇機會同個女仔發展。戀愛的交手過程，沒有可能存在這句對白。有得發展，一定感覺到，又使唔使問出口？
匹配與否內在更勝外表
Mandy答得簡單：「你介唔介意我直接?？」Simon搖頭，不介意。「冇。」Mandy一個字講完，呢個故事亦都講完。Simon約我?出?飲?，其實只係想要一個答案：「我同Ivan，佢真係好過我？」Ivan就是那個，求其問Mandy一句「偷你支塗改帶得唔得」的男同事。你一定以為Ivan是那種風流倜儻的情聖，完全唔係。佢皮膚唔好、單眼皮、著埋寸半高?皮鞋都仲要矮過Simon。甚至乎，Simon肯定搵得多過Ivan好多。但兩個人能否走在一起，或者會否長久，決不是真的好像八卦雜誌般比一比較就可以，三圍年齡身家體重，邊個贏得多?就可以KO對手。No，唔會係咁。
兩人是否匹配，不是外表話事，而是由內在的級數決定。你看謝霆鋒這趟復合便知道，外表幾襯都冇用，真正的男神，追求匹配的級數。有?女人好鍾意問：「我靚?定佢靚?？」講真，問得呢個咁冇級數?問題，你幾靚都冇用。
葉朗程
【動LIVE】萬人罷課蘋果全程直播:
和平佔中: http://occupycentral.appledaily.com
YouTube: http://bit.ly/occupycentral
葉朗程
情陷夜中環 - 葉朗程 舊文