魚樂無窮：半價有找武夷有計
■林歐文任主席的武夷藥業，持現金達5.2億元，未來要大展拳腳可謂易如反掌。資料圖片
藥股繼續成為市場焦點，有業績支持及併購消息尤其吃香︰中期盈利喪升22倍?銘源醫療(233)，噚日再升半成；綠葉製業(2186)早前宣佈，收購從事降膽固醇藥及心血管業?嘉林藥業58%權益，股價連番創上市新高；華夏醫療(8143)擬收購內地醫院，消息一出即彈16%。今日推介?武夷藥業(1889)，中期業績見紅，又未聞有併購消息，但竟狂升18%，究竟所謂何事呢？
手持現金5億併購力強
先講業績，武夷中期業績轉盈為虧，蝕309萬人仔，看似肉酸，但與去年下半年蝕739萬人仔比較，其實有明顯改善。再講，公司話到明虧損係因為新廠房獲新版GMP認証批文，令折舊支出大增所致，由於全屬非現金支出，對現金流及營運絕無影響，反過?睇，隨著新廠投產，未來盈喜變得理所當然。武夷主要產品包括蘇子油軟膠囊、諾賽?注射液、奧美拉唑腸溶膠囊等，主要用於控制高血脂及紓緩腸胃病，全屬都市人常見病徵，不愁市場。另外，武夷期內代理七種藥品，銷售網絡則遍佈全國21個省市。
說好的併購呢？公司講明會把握新型農村合作醫療發展機遇，強攻農村及城市小區市場，最吸引係武夷手頭淨現金達5.2億銀，相當於市值六成有多，未來要大展拳腳可謂易如反掌。武夷咁多優點集一身，最新市值竟然只得8.5億銀，未來被洽購絕非無可能，最新市賬率僅0.45倍，相當於半價大平賣，呢一浪藥股狂潮，隨時升到你唔信。
唐牛
https://www.facebook.com/tongcow88
唐牛
魚樂無窮 - 唐牛 舊文