魚樂無窮：如何應付疑似波動市
■時代集團主要為知名品牌代工製造名牌手袋及皮具。資料圖片
大市chok爆，連續多日?23000水平上下穿梭。此刻爆上定爆落其實好難估，由於我唔係大戶心裏?條蟲，只能估計佢?疑似會繼續舞高弄低，散戶應如何自處？身邊唔少戰友都清?大部份貨，現金為王，寧願等有勢再追。我今次反而冇跟大隊，只係略為減持炒味濃?股份，持貨比例依然超過一半。對個市咁有信心？其實都係一半半，唔清倉?主因係自己相對貼市，好容易被短線市場氣氛左右，走勢陷阱一日中幾次，與其不斷低沽高?，倒不如以不變應萬變，起碼唔使幫證券行打工先。
時代集團(1023)公佈最新業績，盈利保持穩定增長，派息繼續一貫慷慨，值得藉波動市候低吸納。公司主要為知名品牌如Coach(6388)、Fossil、Michael Kors代工製造名牌手袋及皮具，另又透過TUSCAN"S品牌拓零售業務。
時代未受打貪影響
截至6月底止全年賺5億銀，按年增長26%，毛利率大升2.7個百份點至26%，存貨周轉天數及應收賬率錄得雙降，除控制策略得宜外，亦反映內地打貪未有影響公司業務。零售業務依然見紅，但下半年虧損收窄至319萬元，較上半年大減七成，管理層講明會強攻男士皮具，零售轉虧為盈不遠矣。
時代集團上周五收報6.28元，最新市盈率12.5倍，息率4.5厘，最強支持區在5.8元，戰友可於此水平吸納，用15倍PE做目標價，可見7.5元，屆時息率仍貼近四厘。
唐牛
https://www.facebook.com/tongcow88
唐牛
魚樂無窮 - 唐牛 舊文