異動空間：億和收齊貨起飛
大市悶極，一個字：等。既等四中全會也等學聯與政府會談結果，三等滬港通確實日期，港股23000唔上唔落。美國放風延遲加息，中歐亦傳放水，日本更提高養老金入市比例，直接托市，如此萬眾一心證明環球經濟唔掂，唔救唔得，呢種放水就升收水就跌?市況，真係唔知幾時完。
近月多番推介的協鑫新能源(451)，大成交飆升18%，有機闖5蚊關。大戶炒股取易不取難，新上市、細細隻、冇蟹貨股份，最易獲其青睞。民生國際(938)分拆、以介紹形式掛牌的民生珠寶(1466)上周五掛牌，市值2億元，大戶圍曬飛，再用埋盈警震倉，藉此收乾貨源。聯交所資料顯示，首10家證券行共持股76.2%，街貨最多三幾千萬元，要炒上話咁易。
另億和(838)基金收貨多月後終現突破，吼實！辦公室模具業務大復蘇，配合汽車及手機業務起飛，未來兩三年勢現高速增長，可放長線釣大魚。上半年純利1.24億元，已較去年全年多1.3倍，全年盈喜料無懸念。億和無懼跌市，站於各條平均線之上，MACD轉牛差，平均線亦將現黃金交叉，起飛準備就緒，中線目標2.9元。
魏力
http://www.facebook.com/2012jason
魏力
異動空間 - 魏力 舊文