魚樂無窮：天津港破旗見二字頭
港股悶爆，高開200點後升幅逐漸收窄，埋單僅升47點，成交更創3個月低。買賣兩閒，大家等緊乜？近?有今日出籠?中國第三季GDP，以及下晝學聯同政府會面?結果，遠?有本月底儲局議息結果，以及下月初舉行?APEC會議，23000大關相信係恒指短線?勢力範圍。
悶市下國策股有起動跡象，港口股有資金追捧，天津港(3382)破旗彈高半成，配合最新國策，升勢料有餘未盡。
天津港主要從事集裝箱、散雜貨裝卸業務、銷售業務及港口配套服務，截至今年6月底止半年，營業額按年升42%至141億銀，盈利微跌5.4%至4億銀。國務院月初正式批准天津港口岸新一輪擴大對外開放計劃，新增對外開放水域1,120平方公里，新增碼頭岸線69.1公里，新建對外開放碼頭泊位71個，天津港作為區內主要營運商，完全食正條水，盈利爆升只係時間問題。
憧憬天津搞自貿區
事實上，天津港口岸擴大範圍理應係前菜，咁主菜係乜？當然就係天津自貿區啦！內地媒體早已傳出，國務院已向商務部下令，為天津設計自貿區框架，並有望年底前完成。預期透過關稅減免等方式，天津港吞吐量將以幾何級數上升，不得了！
天津港今年暫升27%，其餘兩隻港口股大連港(2880)及廈門港(3378)平均升幅60%，天津港大落後，睇齊同業升幅，可見2.13元，潛在升幅26%！
唐牛
https://www.facebook.com/tongcow88
唐牛
魚樂無窮 - 唐牛 舊文