魚樂無窮：軟件股喪炒金蝶要追
■首屆世界互聯網大會正在浙江舉行，內地軟件股炒到飛起。資料圖片
首屆世界互聯網大會正在浙江舉行，內地軟件股炒到飛起，用友軟件一個月爆升四成，佢個仔暢捷通(1588)噚日乘勢破頂，炒落後可吼實金蝶(268)。公司第三季新簽客戶，除製造業外，還涵蓋農業及能源等，證明已走出中小企框框，成功發揮拍住浪潮同阿里巴巴等大碼頭?協同效應。擎天軟件(1297)距離高位約一成，金蝶則差近三成，反彈空間十足。
早排推介過?英裘(8168)，最高曾見0.415元，近日回至0.35元水平已經跌唔落，翻查聯交所資料，公司連續四日出手回購，竟然?接近歷史高位出手，話唔定轉主板好事近，不妨留意。
敏華炒國貨概念
滬港通南下資金奀豬，講緊幾億貨仔，波司登(3998)同亨得利(3389)竟然係表叔至愛，冇乜人會估到。但唔好理，股價就係咁升，從呢個國貨概念股角度出發，港股通成份股之一敏華控股(1999)有得諗。主打傢俬?敏華，?內地12個城市，包括深圳、廣州及上海等一線城市，經營芝華仕及愛蒙自有零售店，分銷商穿越29個省份，知名度達十粒星。最新中期業績更有兩大賣點︰一，慷慨派息1元，史無前例；二，一送一紅股，變相拆細。兩個動作一個結果︰大炒！兩大棍後造旗中，博再破頂只係時間問題。
唐牛
https://www.facebook.com/tongcow88
唐牛
魚樂無窮 - 唐牛 舊文