陸羽仁 BLOG 2014年11月21日
美國獨好
2014/11/21 09:12:14
網誌分類: 經濟
歐洲及中國的製造業數據唔得，相對之下美國經濟雖然唔係全盤都咁好，資金?鷁L乜更好選擇的環境下，都投入美國市場，所以見到美股近期都有逢低吸納的現象，表現硬淨。杜指昨日朝早跌82點，中午已經收復失地，收市倒升33點至17719點；標普500指數漲4點至2053點；納指升26點，收報4702點。
昨日公布的11月歐元區企業增長速度不及預期，製造業和服務業雙雙放緩，11月Markit綜合採購經理人指數(PMI)初值降至51.4，差過預期的52.3以及上個月?鼤蚼З/span>52.1，而且更係16個月來最低水平。區內的經濟龍頭德國更係危危地，11月份的製造業初步調查數據位50，低於預期值51.5，正處於接擴張與萎縮的分水線上。不過市場已消化了經濟唔得的消息，歐洲股市昨日微升。
中國情況同德國一樣，匯豐昨日公布的11月製造業採購經理指數(PM1)初值亦下滑至50，低過市場預期的50.2，係6個月以來最低值。分項指數中，受新出口訂單下滑影響，產出指數更從10月的50.7下滑至49.5，出現低過50的萎縮現象，是自今年4月以來最低。數據反映歐元區及中經濟可能再次出現減速。日本11月PMI都係下跌，亦差過預期，不過比中國歐洲都好些，仍有52.1。
相對於美國，數據顯示經濟正在持續改善，美國11月Markit製造業PMI指數初值為54.7，雖然都有下滑，前值55.9，預期係56.3。但仍處於擴張速度比較高的狀況。而10月二手房銷售增加1.5%，年化數字升至526萬幢，二手房售價中值亦較去年同期增長5.5%，升至20.8萬美元。最近一周的首次申請失業救濟人數減少2000人，總數降至29.1萬，已經係連續10個星期低過30萬人，持續領取失業救濟人數減少7.3萬，降至233萬。
美國經濟好依靠零售消費，而美國勞動市場持續改善，房地產市場好轉，房價上漲，美國業主感覺良好，再加上油價大跌，能源開支佔美國人開支好大部份，美國人因汽油跌價有更多的剩餘收入用於消費，摩根大通私人銀行全球投資專家萊恩(David Lyon)預計節假日銷售會表現非常好，對零售商而言是個絶妙的好消息。全美最大的電子產品商百思買(Best Buy)昨日公布的第三季業績，凈利潤1.07億美元，較去年同期大升近1倍；營收93.8億美元，亦高過預期的91.1億美元。百思買昨日勁升7%至38.02美元。
講到零售業，唔可以唔提蘋果公司，昨日納指跑贏大市，都係靠蘋果力撐，蘋果昨日升1.4%至116.31美元，接近歷史最高價117.28美元唔夠1美元。現時市值超過6725億美元！有數名分析師更樂觀預估，蘋果市值好快會來到 1 兆美元！當中就包括億萬投資大戶 Carl Icahn。如果按 1 兆美元市值計算，蘋果股價要升到大約173美元，離目前仍要再升48%！蘋果在最近的52周，已經升咗接近65%！仲有冇再上48%空間？蘋果真係富可敵國。
在美國、歐洲、中國三地中，暫時美國經濟前景最好，股繼續炒。歐洲最差，並因為各國對量寛無共識，唔可以好爽快咁放水救經濟，所以呢個星期歐股表現幾好，但只係反彈。中國經濟數字也轉差，但在市場預期之內，而且大家都預咗阿爺會定向放水，所以數據差內地股市都無大插。只是港股就繼續弱底，本地經濟數據麻麻，滬港通又唔得，變成無乜好消息可以炒的散水局，都要調整一吓，平啲先要有吸引力。
陸羽仁
回應(1) 我想回應
陸羽仁 BLOG 舊文