海螺水泥(600585.SH)
從來想都未想過，滬港通之後自己會跟紅頂白，主力轉炒A股，還要思想中國化。安徽海螺水泥(600585.SH)心目中是大概20蚊人仔，H股(00914)做幾多已經唔知，亦無興趣知。同戰友講九號仔，意思是上海機場(600009.SH)，總之暗號是全部加?六零兩個?巴在前面，甚至近期遇上幾個行家畀貼士，統統都是A股。
內地就快唔夠股票炒
香港被邊緣化，在所難免，就算他日有內地ETFs救亡，應該都只會是藍籌股受惠。在這個環境之中，相信中港兩地的新股市場發展及命運會大大不同。以目前內地的交投，其實快將面對一個問題，就是唔夠股票炒，轉手率太驚人，而無理由全部人一味得個炒，始終炒嚇炒嚇之間，會逐漸有些股票落入長期投資者之手，所以急需再印一大堆股票應市，而一旦新股市場蓬勃，又會吸引更多有質素的公司投入。
相反，自己對待香港新股的態度，是以盡量唔抽為大前提，寧願掛牌後才決定是否追買，因近年死亡率實在太高，贏錢的中幾手，輸錢就一褲都係，基本上是長期?笨的遊戲，掛牌後才買，畀多點錢，當作是保護費，反正好股也不會抽得多。
由於港股生態不似會改善，A股則欣欣向榮，此消彼長下只會逐漸令香港新股市場愈來愈頹。
豐盛金融資產管理董事 黃國英(作者為註冊持牌人士，基金持有海螺A股及上海機場A股)
Money18更多即時港股指數資訊
上一則
下一則
對沖國度 - 黃國英 舊文