陸羽仁 BLOG 2014年12月12日
快牛變慢牛
2014/12/12 09:14:36
網誌分類: 經濟
昨日講過油價60美元大關指日可破，話口未完，紐約原油昨晚就失守60美元，最低見58.85美元，最新報每桶59.09美元，係2009年7月以來最低。美股繼上日跌到四腳朝天之後，藉著零售業及勞動市場數據好過預期之助，昨日早段反彈，杜指最多彈225點，收復上日大部份失地(上日跌278點！)。但能源股繼續因油價續跌拖累，壓住美股。令杜指漲幅由大幅縮水至收市的63點，收報17596點，漲幅0.4%；標普500指數升9點，報2035點，漲幅0.5%；納指漲24點至4708點，漲幅0.5%。
美國零售銷售繼10月份上升0.5%後，11月再漲0.7%至8個月最高，高過市場預期，原因係美國人能源支出受惠油價大跌，多?鷟?潔A再加上勞動市場改善，工資有增長，昨日出爐的最近一周首次申領失業金人數減少3千人至29.4萬，低過市場預期的29.7萬，首次申領失業金人數在過去13個星期中，有12個星期低過30萬人。消費信心轉強，比較放膽消費。
近期油價急插，能源股重創，有分析員指可能係市場上的「黑天鵝」事件，後果難料。加上近期美國加息預期升溫以及地緣政治不穩，市場對美股對後市的睇法已經比較審慎，但總體而言，市場分析仍偏向睇好。瑞銀日前就發布2015年展望報告。話全球投資者2015年將面臨一個各國經濟增長不均衡、經濟政策不同及地緣政治緊張局勢重燃的「差異化的世界」，預計市場動蕩的幅度和頻率可能加大，但鑒於全球增長總體上依然明顯，總體金融資産仍會實現正回報。報告又預計美國經濟將繼續升溫，一馬當先，跑贏全球。GDP增長率由今年的2.2%提升到2.9%，經濟改善，消費者資産負債表明年會進一步改善，政府財政亦會得到緩解。建議投資者加碼美國股票和美元，不過，值得留意?麉Y，報告中提到，隨著美國失業率維持在6%以下已經有一段日子，最新的失業率係5.8%，首次申領失業金人數又時間低過30萬人，再加上經濟增長中最重要的一環，零售市場興旺，聯儲局加息的信心愈來愈強，瑞銀預期全球利率將由2015年中期開始上升，建議減少投資債券。不過，由於美股估值已經頗貴，意味着明年漲勢會較今年溫和，回報率唔會高。
《第一財經日報》昨日亦報導，聯儲局的量化寬鬆(QE)已經結束，無新水流入市場，短期內無會使得美股波動性加大，但不會對長期走勢造成影響。由於美國經濟持續復甦，加之美股上市公司繼續回購公司股份，推動股價持續上漲，認為美股升勢仍會持續，「牛氣」仍在。不過，又預計美股往後走勢會比較震盪，將由「快牛」變為「慢牛」。「慢牛」對長線投資者影響唔大，坐住唔鬱，就有回報，走短線?鵅A就要醒定點，唔可以太勇，而且要睇位食飯啦。
陸羽仁
回應(10) 我想回應
陸羽仁 BLOG 舊文