魚樂無窮：炒盈喜股咪走漏億和
■時至今日，內地CPI五年新低，通縮殺到埋身。 資料圖片
想當年沙士肆虐香港，通縮衰退打孖上，經濟差市民寧願留個錢傍身，就算周街平嘢都唔願買，名符其實賤物鬥窮人，惡性循環下經濟越來越差，最後要靠阿爺阿爺打救先出谷底。
時至今日，內地CPI五年新低，通縮殺到埋身。阿爺每年都有提供GDP增長目標，由保八到保七，證明佢哋十分重視經濟增長，如今通脹變通縮，減息降準救經濟只是時間問題。股市遇水即生，內銀內險A股ETF逢低吸納策略不變。
全城等放水，股市悶過鬼，成交得六百幾億，概念欠奉，基本因素變得最實際。安踏（2020）、TCL多媒體（1070）、創維（751）業績靚仔，齊齊大棍砌上，已發盈喜嘅億和（838）靜極思動，有望成為資金下一輪搶攻對象。
億和有幾吸引？簡單告訴大家幾個數字︰舊年八月公佈中期盈利大增3.6倍，股價高見2.12元，十二月公佈首十一個月盈利，較上年度全年多出3.5倍，股價高見2.09元，而家呢？只係1.87元，落後超過一成。再講遠少少，去年全年料賺2.7億銀，睇番二○一○年賺三億，股價係幾多？答案係四蚊樓上，現價相距一倍有多！唔好忘記，今日今日嘅億和，集辦公室設備、汽車及高端電子消費品三大業務於一身，三頭馬車全速前進，賺錢能力大得驚人，現價入場非常安心。
唐牛
https://www.facebook.com/tongcow88
唐牛
魚樂無窮 - 唐牛 舊文