陸羽仁 BLOG 2015年3月27日
玩換馬
2015/03/27 09:17:49
網誌分類: 經濟
沙地聯軍轟炸也門叛軍，美股第四日向下，不過跌幅顯著收窄。杜指上午最多跌過140點，之後反彈，中午一度扳平，午後窄幅橫行，收市仍失手40點，收報17678點；標普500指數跌5點，收報2056點；納指跌13點至4863點。但整日走勢看股市已穩定下來。
美股早段跌得比較多，表面看主要受到兩大原因影響，除了受杜指期貨低水227點拖累外，還有沙特阿拉伯宣稱將繼續空襲也門什葉派胡塞反叛武裝，令到中東局勢變得緊張所致。股票恐懼指標VIX指數昨日朝早也一度抽高超過11%至17.19。其後逐漸回落至收市的15.8，只比昨日高2.3%。
美股近期主要受兩大因素困擾，短期的有美元匯價高企的影響，中期有利息向上的壓力。美元高企令到美企上季的業績表現受壓，而分析普遍估計美企盈利受受到的壓力，今個季度可能更大。美企季度業績公布潮即於下周展開，投資者趕緊在業績公布期前沽貨鎖定利潤，所以大家可以見到今年升幅最大的板塊，亦係近期跌得最甘的板塊，而分析估計呢個情況將會持續到美企業績公布期間。
中期利息向上也是一大壓力。美國昨日公布對上周的首次申請失業金人數下降9000人至28.2萬，低過市場預期的29萬。另外，美國3月服務業採購經理人指數(PMI)初值升至58.6，高過2月的57.1，更係去年9月以來新高。數據好指向加息的方向，幸好芝加哥聯儲主席埃文斯(Evans) 話，按目前通貨膨脹率水平，意味着6月不會加息。投資者最怕聯儲局提早加息，埃文斯的說話，對市場稍稍有安撫的作用。
本來已經弱，再受也門局勢影響，心理更弱。中東局勢漸趨緊張，令投資者腳震震，推升油價及金價，金價七連升，重上每安士1200元水平。油價亦連續第5日向上，在過去兩日大升8%，紐約原油昨日抽高4.5%至每桶51.4美元，係兩個星期以來最大單日升幅。油價上升，對交通運輸成本衝擊最大，杜瓊斯交通指數近日長期跑輸大市，昨日再跌0.6%。
好啦，咁多疲弱因素，點解美股大跌唔多? 臨近季尾，大投資者都在執藥調節投資組合成份，唔買股，又唔知買乜好。本來玩打仗，市場恐慌，黃金和美債是最好避險工具，應該大升，但佢地又唔係升好多，黃金升幅溫和，美國10年債息1.99厘，仲強番少少，即係債價不升反軟。
意味著投資者有啲迷茫，你話美股貴，債價貴得多。你似為美元弱番可買石油黃金，但加息臨近，怕只怕美元只是回吐，大方向還是向上，你同美元作對無運行。
唔清楚前景就將組合執吓藥，沽啲貴貨，買啲平貨，所以周三最大跌幅的股票如生化、太陽能和半導體，都係今年升得多的股份，買的是能源和歐元相關股，都是今年跌得多的股票，佢地玩緊換馬。到周四上午回得多，又有資金入市買吓貨。
下周美股業績潮到，我估投資者想睇清楚在高美元下美股業績係唔係咁差，才決定如何下注。至於港股，大 陸股市未回，港股未死得，暫時處於一個跟升狀態，等4月搵位回吐。
陸羽仁
回應(23) 我想回應
陸羽仁 BLOG 舊文