魚樂無窮：三個現象撐大市見底
■心連心化肥首季盈利狂升逾倍。圖為集團主席劉興旭。 資料圖片
港股反彈，惟未能重返27000大關，成交更縮至近月新低，座上客多過落場者。唐牛作為大好友，堅信牛市未完，觀察近日市況、綜合三個重點後，大膽估計港股隨時見底！信？可以撈大藍籌，心水股包括港交所（388
）、友邦（1299）、騰訊（700）。唔信？直接去最後一段睇是日推介啦。
第一點︰壞消息幾乎盡出。基金互認5月底公佈後，港股便由高位拾級而落，其間壞消息接連出現︰企業連環抽水、希臘危機再現、儲局隨時加息、政改爭拗不絕、MSCI未有納入A股、新沙士疑似襲港等。學陳奕迅話齋︰「抬頭吧！黑暗過會是晨曦。」過埋下個星期，派對隨時又嚟過。
第二點︰身邊人沽多過買。過半數戰友都係等反彈再沽貨，然後低位再撈。劇本會唔會咁完美？眾所周知，股市贏錢人少輸錢人多，當大眾有同一個信念，相反理論便會自我實現。
第三點︰跌穿技術支持位。27000大關多底支持終於失守，下一站睇裂口底位26200點。不過，自從美國量寬後，技術指標作用已大不如前，隨而代之係資金主導。不排除有心人質穿技術支持位，迫部份程式倉位投降，然後低位收貨。因要補曬全個裂口先見底？不樂觀。
今日推介心連心化肥（1866），同樣三個賣點︰1.首季盈利狂升逾倍，冇得頂。2.大股東密密增持，有信心。3.股價逆市創新高，夠強勢，下一站先睇6元！
唐牛
https://www.facebook.com/tongcow88
唐牛
魚樂無窮 - 唐牛 舊文