異動空間：麥兜教你炒股票
A股連日瘋狂過山車，將大媽全面玩謝，有同事上深圳證券行睇過，發現與兩個月前比較，散戶心態出現三大轉變：一、面對阿爺救市，以前充滿期盼，人行出招就掃貨；家陣就諗，出咁重手反映個市堅唔掂，都係沽貨先；二、以往只會單邊造好，但近日有散戶開始逆旨造淡，不少人更圍觀躍躍
欲試；三、證券行由水洩不通變成水盡鵝飛，簡單講就係跌到無曬信心。
德國股神科斯托蘭尼曾經講過：升市=資金+信心。強國人存蓄率稱霸全球，錢從來不是問題，但近日散戶輸到趴街，信心顯然唔見一大截，昨日A股在冇壞消息下，低開衝高再殺落，配合1.5萬億元大成交，明顯是大戶趁高散貨，氣氛如此差勁，短線恐再試3847點低位。
港股則受希臘公投及A股等因素影響，未來幾日料將chok到暈，戰友只宜學「麥兜企定定響度，乜都唔好做」。跟進5月推介的中國支付通（8325），推介時3蚊，五日後炒到4.77元見頂回落，日前股災竟插到落2.2元，跌足54%。主席張化橋於2.59元增持56萬股，估計再跌會再增持，可作入市參考價。
魏力
http://www.facebook.com/2012jason
魏力
異動空間 - 魏力 舊文