魚樂無窮：美國復蘇概念股
■馮國綸任主席的利標品牌，明日放榜，上周五炒高近4%，值得留意。 資料圖片
新一批iBond（4228）今日上市，上周五暗盤價造好，埋單有逾半成升幅，企穩105元樓上。滿以為今次認購人數破紀錄，必會出現鬥食糊場面，從而有錯價執死雞機會，但觀乎暗盤造價，似乎大
家已汲取之前低沽嘅教訓，誰說香港投資者不會進步？
新iBond究竟係揸到尾定即食好？我嘅答案好廢，但卻出自真心︰視乎閣下等唔等錢使。假設未來三年通脹率約3.5%，以一手iBond計，總回報1,050元，若即食嘅話，保守估計都有五舊水執，即係揸夠三年，可以多一張大牛。500蚊話多唔多話少唔少，但從回報率角度出發，就係一倍嘅分別，試問股災後，有邊個夠膽講有隻股票係穩賺不賠呢？
8月差不多過了三分之一時間，又踏入業績高峯，聽日放榜嘅利標（787）上周五炒高近4%，值得留意。利標主要營運授權品牌及擁控品牌，八成生意源自美國，食正當地經濟復蘇潮，集團已成全球最大童裝授權品牌公司之一，又與萬人迷碧咸打體育娛樂品牌，將所有客戶一網打盡，難怪獲多個基金垂青。
去年核心盈利錄得近四成增長，毛利率亦擴闊2.3個百分點至34%，今次中期業績令人期待，近日於1.6至1.7元徘徊，進取者現價可先買一注，以防業績後一放絕塵。
唐牛
https://www.facebook.com/tongcow88
唐牛
魚樂無窮 - 唐牛 舊文