新聞與傳聞
2015/08/11 09:15:49
網誌分類: 經濟
外圍股市，特別係中國股市大幅反彈，提振美國市場投資氣氛，油價反彈，能源股造好，加上市傳巴郡接近達成收購飛機組件設備商Precision Castparts，刺激航空股熱炒，美股昨日結束7日跌勢，杜指大升242點，收報17615
點，標普500指數漲28點，收報2104點，納指升58點至5102下點，三大指數升幅都超過1.2%。
內地媒體報導，國務院已批準國企改革方案，業內預期國企改革頂層設計方案公佈在即，內地股市昨日發威，價量齊升，上證綜指一枝箭咁由開市升到收市，全日大升4.9%至3928點。但港股就雞雞哋，人升佢跌。恆指午後最高升過50點，但都係頂唔住，收市倒跌31點，收報24521點。藍籌金融股係拖累大市元兇，其中匯控(005)
及友邦(1299) 齊 跌1.6%，便合共拖低恆指76點。恆生(011) 及渣打(2888) 亦分別跌1.7%及2.6%！ 好多人唔明點解港近排內地股市大幅反彈，港股卻無，動於衷，甚至走番轉頭，例如昨日，上證綜指大幅抽升4.9%，係5個月以來最大單日升幅，但恆指不升反跌，收市跌0.1%，國企指數亦只係微升0.6%，大幅落後。
有美國分析員話，香港和內地股市對壞數據的反應不同，香港升得少，內地升得多，因為香港只對新聞有反應，而內地對新聞和傳聞都有反應，內地見經濟咁差，自然有各種形式入市放水救經濟的傳聞，所以好多人湧入去炒作。不過佢都同意，呢啲傳聞最後好可能係啱，因為唔救唔得。
分析員話睇內地消息，除了國企改革之外，還有提到內地會成立兩個主權財富基金，去持有國企股，透過控股去改善國企的財政。老外講笑話唔怪得唔見中國公司回購，因為中央買曬啲股票，都無嘢好回購啦。
無論如何，短期而言，阿爺不斷出招，股市會企穩反覆向上。
另外值得一提的是內地最近仲出現CPI及PPI巨大剪刀差，即係通脹向上而生產物價向下的兩難形勢。受豬肉價格大升帶動，中國7月CPI較去年同期為1.6%，高過市場預期，升上年內最高，而同期的PPI則跌至2009年10月以來最低，持續在下跌。元兇係煤炭、石油、黑色金屬礦選業等“三黑”行業不振所拖累。據發改委表示，今年上半年，三黑行業合計影響PPI下降3個百分點，比上年同期提高15%。
匯豐大中華區首席經濟學家屈宏斌認為，當前通縮形勢依舊嚴峻，豬肉價格上漲只屬短暫性質，不應阻礙寬鬆的政策，中央未來應該加碼放水，對抗通縮。
陸羽仁
回應(3) 我想回應
陸羽仁 BLOG 舊文