陸羽仁 BLOG 2015年11月24日
百貨股唔掂
2015/11/24 08:55:19
網誌分類: 經濟
週一美股輕微回軟，交投亦唔活躍。杜指跌31點，收報17793點，跌幅0.2%；標普500指數跌3點，收報2087點，跌幅0.1%。美股上周彈得比較勁，回一回氣對後市反而有利。
今個星期四係美國感恩節，美股會休市一天，交
易日少咗一日，不過，睇美股往績，感恩節當周的股市表現都會不錯，標普500指數10年中有6次上漲，平均升2%。原因係感恩節之後的翌日淩晨開始，美國會開始Black Friday瘋狂購物日，所有商店都會各出其謀，減價促銷貨品。
加拿大以前只有Boxing Day, 唔興Black Friday，不過見到美國近幾年?Black Friday做得幾好，好多加拿大人跑去美國買嘢，於是近亦加入戰團，搞埋一份。之後?星期一，就係「Cyber Monday」類似阿里巴巴搞喺光棍節網上購物日。呢兩日都係美國比較重要的黃金銷售檔期，對大市都會有沖喜的作用。
不過，由於Macy’s、JC Penny及Nordstorm等老牌百貨公司的第三季派出好差的成業績表，股價連環大插水，已經令到投資者對零售股有點戒心。
有分析員提醒投資者，唔好俾表現弱雞?Macy’s, JC Penny所影響，一枝竹打一船人，完全放棄零售股，因為睇美國最大的家居裝飾連銷Home Depot及 Lowe’s、 成衣專賣店TJX 及全球最大超市連鎖店Wal-Mart最近 公佈的業績認真唔弱，其中Home Depot 同店銷售較上季上升7%，係一個唔細的升幅，反映到消費者消費模式起咗好大變化，例如消費者肯花錢去整靚間屋，多過喺百貨公司買服裝飾物。
另外，Home Depot, TJX及Wal-Mart都不是百貨商場裡面銷貨，顯示去傳統百貨商場shopping，已經過時。另外，同樣都係賣成衣，而TJX的業績遠好過Macy’s, JC Penny，可以見到消費者買衣物，已經轉去專賣平價牌子的大賣場。
值得注意的是這三家公司都有一個好強的網上銷售平臺，售賣不同的商品，搶咗實體店好多生意。上兩周中國的光棍節網上購物，單係天貓/淘寶網，一日就做咗920億元人仔生意，美國周的「Monday Cyber」係唔係都一樣咁得，好快有分曉。
我覺得美國這個走勢，對港股都有啟示，百貨公司股過時，善於利用網購的公司著數。呢個趨勢香港無發展得咁快，大陸已經追上，所以都唔好掂內地的百貨公司股甚至商場股。
美元上升，美元兌6隻主要貨幣匯價的美元指數一度直撲100大關，高見100.39影響，最快報99.8。港元與美元掛鉤，拖累航空、原材料及零售等行業收入，對相關股份有壓力。隨著歐洲央行年底加碼推量寬，歐元下跌會進一步推高美元，對港股及東南亞市場長線有影響。
陸羽仁
回應(0) 我想回應
陸羽仁 BLOG 舊文