摸魚手劄：猴年投資要夠豁達
■筆者認為新一年最好穩守，不宜進攻。 資料圖片
黎天王金句眾多，我最喜歡那句係：「核心的內圍就係核心的外圍。」好一句值得恥笑的金句，但其實內有乾坤，博大精深。言簡意賅的一句道出了港股大跌的核心問題，因為我哋真係受到外圍拖累。
香港股市真係好國際化，農曆年間
港股預託證券ADR跌了900點、油價浮浮沉沉、耶倫講話無料到、大陸外滙儲備持續流失、日本股市大跌、截稿前法興大跌，拖累整個歐洲股市，咁多外圍因素影響，港股難捱。現在股市發揮不到投資技術、好冧巴都自動變冧巴降，比較大的考驗係交易心理和態度。大投資家的投資方法可能變得很受人追捧，書局也有很多相關的書，例如那些名義上教你止賺止蝕，但兜了一個大圈，胡說了一堆理論也說不出個所以然那類，最容易令人中招。呢類書太離地唔啱我睇，因為我對股票輸贏看得很開，心態也很健康。我豁達，所以我唔介意別人話我唔豁達。
新一年最好穩守，不宜進攻；現在創仔很多收購的刁都好特別，有時研究當中項目的估值模型會發現好多有趣東西，好多大學一年級學過的模型原來是用來幫項目適當地「高估」和「低估」。因為現在市場信心不足，連全購股我也不想守了。
最後在文末祝各位讀者身體健康，唔使空肚食早餐；家肥屋潤，肥過衛蘭，以及肥過衛蘭那部電單車。如果你係行家的話，咁渾水自然要祝你年年有餘啦。行家自能意會，要懂的自然會懂。
渾水
http://www.facebook.com/muddydirtywater
本欄逢周五刊出
渾水
摸魚手札 - 渾水 舊文
來源 source: http://hk.apple.nextmedia.com