摸魚手劄：小加本土煉金術
■洋參新主其實好猛料，全行竟然無人提及；圖為集團主席楊永仁。 資料圖片
本土思潮在新東補選進一步確立，不過本土都係停留在政治論述，無乜經濟提倡，最多講本土農業。香港窮得只有錢，最大產業優勢係金融。渾水認為本土經濟唔一定要講閉關鎖港，走向封閉經濟，而係想辦法做獨
市食盡幾家茶禮，唔使縮自己矮仔但人哋又焗畀生意我哋做。
唔好以為呢類產業唔存在，金融賣殼正正就是例子，因為金融運作有良好歷史，所以香港的上市公司特別值錢，基本上就係香港的特色產物，等同美國的iPhone，全球獨有。呢一點係中國金融市場短期無法取代，所以佢哋只好來港買殼，當然又有走資考慮，難怪連羅傑斯都話中國借賣殼走資。中國的需求佔了一部份，但其實台資都有來港買殼，鬼佬基金亦有。這就是食盡幾家茶禮的本士特色產業，佢哋有求於香港，香港又提供優質殼資源畀佢哋。
根據證監會論壇資料，這兩年有56間公司於6個月內市值升了10倍，其中有39間是處於虧損，好明顯都是殼股，所以那就是有價有市的證明。這條水路，渾水見到，李小加當然都見到。因為殼咁本土咁賺錢，李小加自言都唔好意思提高上市門檻，只叫人小心老千。因港交所要向股東負責，啤殼刁又賺錢，當然密接密做。尤其小加愛國，國家鍾意超英趕美，「追集資額」排名這些虛銜自然要靠啤殼刁撐住。
順帶一提，洋參（911）新主其實好猛料，全行竟然無人提及，純自讚而已，唔係建議買，因為現價過貴。
渾水
https://www.facebook.com/muddydirtywater
本欄逢周五刊出
渾水
摸魚手札 - 渾水 舊文
來源 source: http://hk.apple.nextmedia.com