?控中棍
2016/04/06 08:35:49
網誌分類: 經濟
油價下跌和加息的老新聞影響股市，加上「巴拿馬文件」涉漏事件影響銀行股，德國股市插2.6%，美股亦受累，杜指跌跌134點，跌幅0.8%，收17603點。
近兩日的最大新聞，莫過於全世界第四大的離岸金融管理公司莫薩克&middo
t;馮賽卡律師事務所出事，它保有牽涉到過去46年以來全球140個政治人物開設離岸公司的秘密資料外泄。當中有12名在任與前任國家領導人或其親屬涉事，除了俄羅斯總統普金的親信、中國國家主席習近平姐夫、英國首相大衛·卡梅倫的父親外，亦有提及烏克蘭總統彼德·波羅申科、冰島總理古恩勞格松（Sigmundur Gunnlaugsson）等，以及前埃及總統穆巴拉克、利比亞已故領導人卡達菲、?利亞總統阿薩德等。
「巴拿馬文件」可以係史上最大的文件泄露事件，文件共計有2.6 TB，係2010年的維基解密中資料1.73 GB的1539倍！不能說開海外公司就有事，但如果政治人物開海外公司轉移資產逃稅或作其他不法用途，就會出事。據冰島媒體報導，事件已令到該國政局陷入混亂，冰島總理已因此下台辭職。
有人問我「巴拿馬文件」對於全球股市會有什麼影響，我覺得事情剛剛曝光，真正的影響仲未知道。好籠統咁講，開設離岸公司同戶口，主要都要透過銀行去搞，所以好多國家，特別係西方民主國家都會對銀行加強監管，美國政府一向對美國人避稅睇得特別緊，所以唔單止會加強美國銀行的監管，即使在美國有業務的海外銀行都會受到影響。
「巴拿馬文件」顯示有多家歐洲銀行的子公特別活躍於開設那些離岸戶口，據聞美國執法人員正調查這些海外銀行有無違反美國法律，查出有事一定會處以巨額罰款甚至採取制裁。由於銀行參與涉嫌有走私漏稅活動，將提供藉口畀政客增加對銀行的監管條例，甚至建議增加對富人的徵稅。
事實上，美國銀行及歐洲銀行在「巴拿馬文件」公開以後，這兩日表現又真係唔係幾得，周一微跌，昨夜跌幅加大，其中美國銀行及大摩跌約2.5%；高盛、摩根大通、花旗齊跌約1.5%，歐洲銀行仲弱，瑞信跌4.6%、瑞銀及法國興業銀行跌超過3%，蘇格蘭皇家銀行跌2.5%，匯控（倫敦）跌3.1%！
講開匯控（005），真係屋漏兼落雨，港股呢排大反彈，但人彈佢唔彈，幾個星期都喺50元附近橫行，最近幾日連50元都頂唔住，昨日再跌2.5%至46.75元，認真慘情！
大笨象愈來愈瘦，同大摩持續睇淡有關，摩根士丹利昨日下調匯控目標價，由51元降至45元，評級為「減持」。呢次係大摩6星期內第2次下調匯控目標價，主要原因該行預測首季匯控環球銀行及資本市場業務受壓(即炒房業務)，利率長時間處於低位，加上來自香港的收入持續放緩，令今年收益較早前預測減少10億美元，至約530億美元。另外，大摩又下調匯控今年、明年及後年3年的每股盈利預測6%。
大摩又話，如果全球經濟增長放緩，中國經濟硬?陸及盈利停止增長，匯控最壞的情況，可能會跌番去2009年供股價的28元！真係嚇死人唔使本。我覺得如果內地經濟以至全球經濟都「死直」，唔止匯控，香港大部份股票，都會跌到阿媽都唔認得，又唔單止?控死喎。
?控在香港下跌和大摩有關，但你睇?控在倫敦股價跌3.1%，和其他銀行股相若，就知佢主要跟大圍跌「巴拿馬文件」，反而唔係跌大摩唱淡。
正如我早兩日所講，美國市場本來唔睇好環球銀行股業績，再整多劑巴拿馬文件，唔知銀行又俾監管機構罰幾多，佢地近排都無運行。?控俾大摩唱，只係衰多二錢而矣。?控係要尋底，不過28元又誇張咗少少。
陸羽仁
回應(2) 我想回應
陸羽仁 BLOG 舊文
來源 source: http://blogcity.me