智取大市：科網股仲有排玩
■內地宏觀環境差，但港股近幾月並沒有跟隨大環境持續下跌。 資料圖片
點解內地宏觀環境差，港股近幾月仍上上落落，冇跟隨大環境下跌？因中資股本來估值夠殘，H股指數市賬率長期低過1倍，已反映得好絕望，但又唔代表有能力升，因基本因素同時處於絕望境界。
超低估值下，中
資股已脫離宏觀形勢自生自滅，漠視不利消息，睇月線圖係點穴，睇日線圖只係窄幅上落。同時資金仍氾濫，基金經理仍要食飯，仍要搵股買賣，於是追捧個別不受資本賬封鎖、L型經濟等下降周期因素影響，仍能錄得收入、盈利增長嘅公司，財富集中轉移去呢批股，科網股、手機設備股等板塊係典型例子，兩極化形勢，同千禧年科網熱潮環境非常相似，小弟估計歷史正在重覆。
等所有人只會買呢啲股，技術指標顯示嚴重超買，波幅亦擴大到前所未有水平，party先真正完結。雖上周五跌得甘，但如舜宇（2382）連跌兩日成交不多，未見大戶高位出貨，而除騰訊（700）、信利（732）外，一眾科網股嘅9 RSI已跌至50下，相信對強勢股下跌空間未必好多。呢個moment，人心虛怯，小弟反而建議冇貨在手嘅朋友，吼位吸納。
晉佳
http://www.fb.com/advanceguy1
本欄逢周一、三、五刊出
晉佳
智取大市 - 晉佳 舊文
來源 source: http://hk.apple.nextmedia.com