財女手筆：脫歐代價由美國人畀？
■英國脫歐後，經濟、政治局勢越亂，相信特朗普當選的可能性越低。 資料圖片
英國上周歷史性脫歐，不過歷史性脫歐唔代表大驚喜，其實由近月民調開始，一直都顯示脫歐與留歐支持率相當，兩者均超過40%，約有10%至20%人不願表態，明顯留歐、脫歐一直勢均
力敵。所以，原來由頭到尾，大家寧願相信，相較難民壓境，大多數英國選民都會傾向「錢字行先」，寧願要經濟、樓市穩定。
一隻黑天鵝出現咗，市場估緊，美國年底總統大選會唔會成為另一隻黑天鵝？英國脫歐後，英鎊兩日狂瀉一成，歐洲銀行股更加隨便插水一、兩成，英國脫歐後，經濟、政治局勢越亂，相信美國共和黨準總統候選人特朗普當選的可能性越低，因為美國選民可以「孤注一擲」的空間細咗。特朗普同脫歐代表「unknown」（未知數），全球可以輸的身家俾英國一次賭輸曬，美國經濟一旦受到波及，美國選民「被逼地」選擇穩定，因為未完全回穩的經濟，有著不能承受之輕。
不過，距離美國大選日子何其遙遠，歐洲股市、英鎊重傷兩日後反彈，英國人用自己的選票走出自己的路，可能柳暗花明，各位投資者都係學索羅斯咁多手準備啦！
Melody
本欄逢周三刊出
Melody
財女手筆 - Melody 舊文
來源 source: http://hk.apple.nextmedia.com