中環迷你裙：齋睇指數升跌你就輸了
■那邊廂滬指在呢樣唔得，嗰樣唔准下，已進入殭屍市。 資料圖片
還有兩日上半年就完結，短短180多日黑天鵝空群而出，大家身心俱疲，多事發生到記憶也開始模糊起來，外電上周末有單新聞大致話，中國在英國脫歐中勝出，若撇除滙率因素，齋睇指數的確係
。不過人民幣中間價短短兩日已貶值逾1%，創近六年新低，加埋年初熔斷股災和資金流出股市，按美元計價，滬深兩市本年至今累計跌幅又唔見咗接近兩成。
歐洲三大股市本年至今的跌幅，按美元計累跌一成左右，雖則未來幾個月歐股跌勢或未止，但起碼有置諸死地的機遇。那邊廂滬指在呢樣唔得，嗰樣唔准下，已進入殭屍市，如果咁計都叫做贏，極其量都係慘勝，投資者最怕有入冇出，所以A股對Samantha而言仲係得啖笑。
話分兩頭，英國脫歐後畀咗個機會亞洲，家陣各國玩音樂椅遊戲，個炸彈係邊個手上邊個股市當災，雖則一環扣一環下也是齊齊攬炒，但資金奮力追捧傷得冇咁重的國家，只係對股份要求更高，多現金多派息是重點，高增長已變為其次，一眾REITS迎來牛市，先後創出52周新高，大家貪其安全過地產股，派息又有保證過銀行股，當領展（823）升到唔夠4厘息，越秀房託（405）有資格追落後。
越秀房託是少數以港元計價的REITS，無論市值（125.45億元）和深度（約1,980萬元成交）都夠，仲有近7厘息的房託，今年以來呈現一浪高於一浪的走勢。基本面上，越秀房託的資產以商業物業為主，七項物業都位於核心商業地段，早前向母企收購廣州國金和西門口地鐵上蓋項目，今年全年合併入賬，無論整體收入和可分派收入料錄得增長。
唯一擔心是，越秀房託未來或會向母企收購其他項目，而房託借貸比例有最多45%的上限，所以一旦向母企購靚資產或會以股本融資的方式進行集資。
Samantha
http://fb.com/stocksamantha
本欄逢周三刊出
Samantha
中環迷你裙 - Samantha 舊文
來源 source: http://hk.apple.nextmedia.com