保險股好過銀行
2016/07/18 09:22:57
網誌分類: 經濟
全球股市上周齊齊反彈，英國意外唔加息，加上日圓續跌，美元兌日圓曾升穿106關，美股強勢，但去到星期尾雖然開始要抖氣，杜指收市報18516點，仍升10點，標普500指數都微軟。
周五收市後傳來土耳其軍人政變消息，曾令場
外美股期指插一插，不過好快已證實係失敗政變，金融市場又定番。
全球股市在壞消息下紛紛攀升，特別係美股仲衝上?史新高。呢個情況令人諗起上個世紀九十年代，對沖基金長期資本（Long Term Capital）炒俄國債券爆煲，當時?聯邦儲備局局長格林斯潘為防出現資金收縮的骨牌效應，係市場仲係觀望之際就以出乎外界估計的大力度減息，呢一招果然挽狂瀾於既倒，但同樣造成後來信貸過度膨脹，甚至有人認為種下咗後來次按危機同金融海嘯的種子。
2007年格老離任前，開始爆出次按危機，接任者伯南亞仲創出用直昇機撒銀紙救市的量化寬鬆，做法唔止派糖，直情係灌糖水，搞到各國金融體系都血糖過高，甚至患上糖尿病，鬱啲就頭暈腳軟。跟住再做主席?耶倫，只能繼續做審慎的鴿派，無辦法隨便戒糖。
無論點都好，當格老防禦式的減息為全球股市帶來大牛市，同時開創咗防禦式的救災手法，其後的金融災難，聯儲局都係第一時間「灌水浮球」，嚴格嚟講除咗金融海嘯呢個超級災難，基本上無乜金融震盪可以令到華爾街出現連續式急插。
呢種有少少病未飲涼茶食定糖的防禦式救災，好處係避免咗金融動盪打擊就業同民生，但間接影響係投資市場同實體經濟愈走愈遠，出現大陸都承認的「流動性陷阱」，即係放得水多，流動性太多，放水都推唔鬱經濟。
央行係咁派糖俾大家食｜個波愈吹愈大，呢種吹大的資產波仔唔單存在於股市，同時仲係債市、樓市、股市，由於金融資產價格長期嚟講升多跌少，回報變成低處未見低，造成今日國債超低息，日本國債和德國國債已去到接近零息水平，睇見都覺得好得人驚。
呢次英國搞公投投出大頭佛，實體經濟未受衝擊，市場已預期全球央行不約而同聯手放寬銀根。英國央行上星期未如預期減息，我估係因為英國內閣改組，財相歐思邦無得留低，佢知自己會走，所以留低個攤子等下任處理，加上金融市場回穩，無需要急急行動。英鎊走強，令長江基建(1038)
造好，為升幅最大的藍籌股，上周五升3.74%收報67.9元；匯控(005)升0.61%報49.6元。 正常嚟講，英國減息係無可避免，所以英鎊呢浪回升，應該係反彈而未必係見底。英倫銀行話會量寛，市場估計8月成事，所以英鎊仍有壓力。
早兩日我同跨國銀行的大賓卡傾偈，佢對英鎊匯價仲係睇淡，佢以中央銀行家的角度去分析，覺得係脫歐大流下根本無乜可做，只能放手俾市場決定匯價。大賓卡話，上半年全球銀行都無乜錢搵，而家英鎊暴露咗一個投機造淡機會，大小盤房都已經食指大動，準備開餐，係咁環境下，央行根本無打抵禦，雖然而家銀行都收緊咗炒房坐盤，但係預期英鎊匯價向下，班前線話有客要沽鎊，叫炒房準備定先，管理層都只能隻眼開雙眼閉，所以佢對鎊價中長線唔睇好，但從用家角度，如果有實用需要，順便低買高沽炒?波幅，其實都幾爽㗎。
市場炒央行放水，要留意係美國數據比估計，美國息口幾時再上始終要留意，但呢樣嘢暫時唔係焦點，大家仲係猛炒有固定回報?股份好似房託、公用股。銀行股本來息口普遍不俗，但因為營運環境唔穩定，未能吸引熱錢流入。大賓卡坦言而家做保險好過做銀行，所以保險股開始有啲錢流入。上周五友邦(1299)
、平保(2318)升幅唔錯。友邦升1.05%報48.05元；被大和上調目標價的平保仲升3.7%報36.6元。大家可以留意。 陸羽仁
回應(2) 我想回應
陸羽仁 BLOG 舊文
來源 source: http://blogcity.me