Can Bank - 散子 2016年8月30日
Can Bank：
廣電局手法似曾相識
■難道《步步驚心》的成功是因為演員片酬低？ 劇照
大陸廣電總局又出招調控，控制嘅範圍由原本節目內容以及使用的演員，擴大至演員嘅片酬，講明要堅決遏制天價片酬以及明星炫富問題，又要求行業自律；呢種指導，有點似曾相識……方式與樓市調控有點相似。
政府開聲話明星人工過高，理由係話要防止炫富、要限制明星過度炒作，講到明要相關行業協會就「注重影視作品思想價值及審美導向，優化影視製作成本結構」，一句到尾就係講緊𠵱家啲明星貴得嚟又唔見有咩好作品。
事實上，大陸片商出得起錢請演員早已經唔係新聞，如果唔係都唔會有咁多港星、台星甚至係韓星到大陸發展，明星片酬可以達到製作費五成至六成，餘下四成先至係真．製作，最後作品製作真係大極有限。
不過，限制咗演員片酬之後係咪會有好作品？相信唔少人都知道，廣電總局對於節目題材限制，比起對演員片酬嘅限制更大。《步步驚心》成功是因為演員片酬低？《步步驚情》失敗是因為演員片酬增加？相信看過這兩部劇的讀者都心裏有數。
散子
本欄逢周二刊出
散子
Can Bank - 散子 舊文
來源 source: http://hk.apple.nextmedia.com