財金冒險號：新中國四大發明
■新中國偉大發明多多，假貨雲集的淘寶亦是其中之一。 資料圖片
如果伊拉克開口埋口話自己繼承四千年前嘅巴比倫文明，好唔好笑？新中國就係咁。最新一期《經濟學人》提到，中國科學院早前發佈《中國古代重要科技發明創造》，選取了88項古代的科技發明。這項研究歷時
三年，大概係習近平「登基」後便開始，呼應習核心之「中國夢」，「偉大復興中華民族」。
中國人如果稍為知恥，應不忍提及呢啲古代發明，因為古今對照下，顯得新中國交白卷。中國古代四大發明：造紙術、印刷術、指南針、火藥，對人類文明貢獻毋庸置疑，但發揚光大者，都係西洋人。新中國所作所為，更係愧對先賢：造紙及印刷術促進知識傳播，但中國並無出版自由、言論自由，審查言論就最拿手；指南針幫助人類探索世界，但大陸對出境旅遊仍然有很大的限制，國內流動亦受戶籍掣肘；火藥可用於國防，但中國槍炮專門對付中國人。
與其搬出祖宗偉大發明自high，甚至夾硬話足球、哥爾夫球、意粉都係中國發明，不如睇番新中國有乜偉大發明。其實好多，唔好妄自菲薄呀，小生隨便舉四大：文化大革命、會爆炸國貨、三聚氰氨大頭奶粉、假貨交易網淘寶。研究三日已可選取超過88項新中國發明。金融市場亦不遑多讓：「暴力救市」、「惡意沽空」、半數A股停牌、樓市調控引發假離婚潮，盡皆創意十足。
笑笑生
mailto:sneeringman@gmail.com
本欄逢周四刊出
笑笑生
財金冒險號 - 笑笑生 舊文
來源 source: http://hk.apple.nextmedia.com