亮說亮話：
樓市癲價內有乾坤
■若物業都以有限公司持有，只要將股權轉讓就可完成買賣。 資料圖片
我去北歐旅行期間，中原城市領先指數連環破頂，施永青轉軚，本來預測今年跌8%至10%，變成在未來18個月倒升20%，雖然理由頗為牽強，但夠膽在樓市從未下跌便預測調頭回升，一定要有相當心理質素
，因為如果唔升反跌，就會被人笑到面黃，不過樓價上升絕不出奇，因為將出現一樓兩價。
有年輕朋友同我講，他的住宅單位升了很多，如果現在賣走，可以幾年唔需要返工。我問他的住宅單位是不是用有限公司持有，如果唔係，他只不過是紙上富貴，事實上很難將單位以高價賣走。
年輕朋友話他是香港人，買樓只需要付正常印花稅，如果用有限公司買，要額外多付15%BSD，物業代理同佢講真的有高價成交，唔通仲有假，叫我唔好睇樓市睇得咁淡，否則我會損失搵大錢機會。
如果有人在三年前買了樓，見到現在樓價，又不用付SSD，隨時會心動將自住單位賣走。不過當他們放售時，物業代理第一句就會問單位是否由有限公司持有，如果唔係，代理就會話很難做到好價，因買家找尋用有限公司持有物業，貪最高可慳30%印花稅，如果不是由有限公司持有，減價兩成或者有機會。現在大家見到的高價成交，大部份物業都是以有限公司持有，只要將股權轉讓，就可以完成物業買賣。物業代理當然不會講實情，不需要太久，物業市場便會出現一樓兩價，用有限公司持有的住宅單位售價會高很多。
湯文亮
mailto:jacinto.tong@gmail.com
本欄逢周二刊出
湯文亮
jacinto.tong@gmail.com
亮說亮話 - 湯文亮 舊文
來源 source: http://hk.apple.nextmedia.com