大棋局：與虛擬女友談戀愛
■科技進步，《2046》內木村拓哉同機械人王菲談情一幕唔再係假想。 資料圖片
和機械人談情嘅時代，可能要比我哋想像中更早來臨。最近美國同歐洲出現兩個截然相反嘅情況，比爾蓋茨認為要開徵機械人稅，歐洲議會則剛剛否決向機械人擁有者徵稅。
當被問到
開徵機械人稅，會否減低機械人公司繼續研發嘅動力，比爾蓋茨直接回應：「會。」佢覺得現時機械人發展太快了，甚至有一種憂慮。機械人帶來嘅第一波衝擊當然係失業潮，就如工業革命時會有大量人失業。但現時情況比昔日更嚴峻，當時第三產業唔發達，第一、第二產業失業者可轉去第三產業。今日第三產業非常發達，當律師、股票交易員、會計師都被機械人取代時，佢哋又轉型去邊度？
內地做廠嘅朋友越請越少人，唔係萎縮，係改用機械人。鄭州高鐵站今年亦試驗機械人巡邏警。牛津大學估計到2030年，機械人及AI會令英國85萬名公務員失業，而製造業及運輸業亦有五成工作會被取代。
而最有亡國意識嘅日本，東京大學一份研究報告指，虛擬女友會導致日本滅亡。根據日本國立社會保障人口問題研究所推算，由於出生率太低，日本人口去到2048年將由現時嘅1.28億人下降至8千萬。
當科技越來越進步，《2046》內木村拓哉同機械人王菲談情一幕唔再係假想，而且可能比我哋想像中來得更早。
馬克思認為世界最終會進入共產主義，理由係當生產力提高令全世界富裕到無以復加，多一分少一分唔再重要時，自然會過度為社會主義，最終實行共產主義。機械人出現從好處想，人類最終唔使再做嘢，靠機械人不斷生產咪有條件實行共產主義。
但要先經過爭奪生產資源嘅階段，誰擁有最多機械人及AI技術，誰就係下一個首富。當社會結構形態改變時，政治制度也必然要改變，此是後話。回望往時嘅小說、電影，人類其實不斷實現昔日嘅幻想。
Mr. Tregunter
本欄逢周二刊出
Mr. Tregunter
大棋局 - Mr. Tregunter 舊文
來源 source: http://hk.apple.nextmedia.com