利字當頭：國家有任務畀你哋
■香港唔擁抱祖國，遲早會被邊緣？ 資料圖片
「阿娥，你覺得國家對你哋點呀？」請不要想像這是《表姐你好嘢》的電影情節。這個年頭的中共領導人，已經會出入四季酒店，會用iPhone，也響應世衛呼籲，戒了煙。
「黨同國家，一直都全力支持香港發展呀。「咁就啱啦。國
家有任務畀你哋！」「真係？係咪要搞一帶一路呀？」
「阿娥，你要跟得貼，但又唔好跟車太貼。國家嘅五年計劃，可以中途變陣呀。早兩年講在地城鎮化，你睇今日仲有冇人講？互聯網加、金融科技甚至一帶一路，都只不過係一句口號。」
「國家要香港點做，請即管吩咐。」
「特區政府坐擁近萬億盈餘，其實係唔係應該都考慮嚇用來投資國家重點栽培嘅企業？你睇香港人自己都好積極投資騰訊（700）。其實國家到處都是寶藏呀！好似我女婿個創投基金，今年已經投入了十個項目。阿娥，你要知道國家只會為人民利益好，你要同香港市民好好解釋嚇。」
香港不再是一隻會生金蛋的鵝，又或者國企改革的提款機，而是一個等待被撲的豬仔錢罌。在民族大義之下，任何付出都是理所當然的。沒有人會記得，改革開放香港的功能和角色，又或者若然沒有香港，國企改革會有多困難。
以上情節，如有雷同，實屬不幸。
在資本主義自由市場，最上等的人，互相幫助又不拖不欠。最教人討厭，就是那些每每認親認戚搵著數的江湖術士。
香港人自己也要爭氣。常言道，貪婪和恐懼，是浮遊在我們耳邊的兩隻魔鬼。聽來too good to be true的事，通常好夢難圓。百年盛世的機遇，thanks but no thanks。
「你哋唔擁抱祖國，遲早會被邊緣呀！」究竟誰在國際政經舞台到處樹敵，自我放逐，未來的歷史自有公論。
利世民
http://www.fb.com/leesimon.hk
本欄逢周二、四刊出
利世民
利字當頭 - 利世民 舊文
來源 source: http://hk.apple.nextmedia.com