智取大市：港股泡沫價進發
■騰訊最近最大陽燭嗰日升幅都只係4%，喺亢奮市況嚟計，未夠喉。 資料圖片
港股目前全民皆股，相信都冇乜爭議性，有兩日主板成交突然去到1,500億，喺亢奮市況之中，成交大幅抽高，意義重大。
一個升市裏面，整體交投突然暴增，以及進入全民皆股狀態，情況並不多。升
市成交暴增，通常代表股市短線未見頂，以幾個個案作為例子，包括非牛三嘅2007年6月20日、2007年港股直通車牛三升浪期間嘅9月19日同10月3日，以及2015港股大時代4月8日，都係升市途中，單日交投突然比之前激增，之後港股至少能維持接近一個月嘅升勢。配合全民皆股嘅形勢，以往績睇，同之前預測相若，港股可能會維持多幾個星期熱烈氣氛。以目前波幅計，就算持有大價股，有多幾個星期好景都夠曬和味。
股市升幅擴大、成交激增加上全民皆股，可以演繹為股市泡沫現象，普通牛市價係貴、就要沽，但係泡沫價係再高一個level，高位可以遠高於普通牛市價水平，領袖股有機會出現異常波幅。
騰訊（700）毫無疑問係領袖股，最近最大陽燭嗰日升幅都只係4%，點算終極泡沫？如果喺亢奮市況嚟計，未夠喉，未夠離譜，所以未見頂機會仍高。只要整體大市係Up trend，都仲會以泡沫玩到年底作為目標。
晉佳
http://fb.com/advanceguy1
本欄逢周一、三、五刊出
晉佳
智取大市 - 晉佳 舊文
來源 source: http://hk.finance.appledaily.com